Lucas 15:2 - Inkeanon

² Pero ro mga Pariseo ag ro mga maestro it Kasuguan hay nagminueo-mueo sa ginaobra ngaron ni Jesus. Hambae nanda, “Tan-awa tuo ro tawo ngara. Ginabaton nana ro mga makasasaea ngaron nga nagainadto kana, ag gainiba pa imaw kanda sa pagkaon.”

Lucas 15:2 Iomraidhean Croise

Mateo 11:19

Ako ma't-a nga Unga it Tawo hay gakaon ag gainom sa mga okasyon ag sinanda ku mga tawo hay ‘Haron ro sueok ag paeahilong ag nagaamigo pa sa mga manogluko nga *manogsukot it buhis ag sa ibang mga makasasaea.’ Pero di bali tungod ro kaaeam it Dyos hay mapamatud-an nga tama paagi sa matarong nga pagpangabuhi ku mga nagasunod karon.”

Mateo 9:11

Pagkatapos kara hay ginbuslahan ku mga Pariseo ro mga sumueunod ni Jesus ay naugot-ugot sanda. “Ham-an it nagasaeo sa mga *manogsukot it buhis ag sa iba pa nga mga makasasaea ro inyong maestro?” hambae nanda.

Lucas 15:3

Ngani nagsabat si Jesus sa mga nagmueo-mueo kana paagi sa rayang paanggid nga istorya.

Lucas 19:7

Pagkakita kara ku mga tawo hay nagkinumod sanda tanan. Hambae nanda, “Ham-an it idto 't-a imaw gadayon sa baeay it sangka makasasaea?”

Lucas 5:30

Pagkatapos kara hay ginbuslahan ku mga Pariseo ag ku mga maestro it Kasuguan nga kapareho nanda nga mga Pariseo man ro mga sumueunod ni Jesus ay naugot sanda. “Ham-an it nagasaeo kamo sa mga *manogsukot it buhis ag sa iba pa nga mga makasasaea?” hambae nanda.

Lucas 7:34

Ako ma't-a nga Unga it Tawo hay gakaon ag gainom sa mga okasyon ag sininyo hay ‘Haron ro sueok ag paeahilong ag nagaamigo pa sa mga manogluko nga mga *manogsukot it buhis ag sa ibang mga makasasaea.’

Lucas 7:39

Pagkakita kara it Pariseo nga nagkangay kay Jesus, sinana sa anang paino-ino, “Kon matuod imaw ra nga propeta it Dyos hay hasayran eon kunta nana kon anong bayiha ro nagatinabing ngaron kana, ay makasasaea ro bayi ngaron!”

Mga Binuhatan 11:3

Hambae nanda kay Pedro, “Nag-adto ka gali sa baeay it bukon it Judio ag nagsaeo ka pa kanda sa pagkaon!”

Mga TagaGalacia 2:12

Kato abi hay permi imaw nga nagaiba sa pagkaon sa mga tumueuo nga bukon it mga Judio. Pero pag-abot idto ku pilang ka mga Judio nga ginpaadto ni Santiago hay owa eon si Pedro mag-iba sa pagkaon sa mga tumueuo nga bukon it Judio ag nagalikaw eon imaw kanda, maskin sayod nana nga bukon it saea ro anang ginaobra. Nahadlok abi imaw sa mga Judio ngara nga kaibahan sa grupo nga nagapilit gid nga dapat tumanon ro *Kasuguan.

1 Timoteo 1:15

Masaligan ro haeambaeunon ngara, ag bagay gid nga patihan: Si Kristo Jesus hay nag-adto riya sa kalibutan agod euwason ro mga makasasaea. Ag ako gid ro pinakamaeaot kanda tanan.