Lucas 15:13 - Inkeanon

¹³ Pagkapilang adlaw, ginbaligya't-a tanan ku kamanghuran ro anang hueay ag pumanaw sa maeayo nga lugar, daea ro anang kabakeanan. Pag-abot idto hay nagpinagusto imaw ag anang ginwaldas ro anang kwarta.

Lucas 15:13 Iomraidhean Croise

Lucas 15:12

Naghambae kana ro anang kamanghuran, ‘Tay, bue-on eon nakon ro akong hueay sa among paeanublion kimo.’ Ngani ginhueay ku ama sa anang daywang ka unga ro andang paeanublion.

Lucas 15:14

Tag naubos eon nana it gasto ro anang kwarta hay nag-abot man ro grabi nga tiggueutom sa rato nga lugar ag nagpiot ro anang pagpangabuhi.

Lucas 15:30

Pero pag-uli ku imo ngarong unga nga nagwaldas sa mga maeain nga bayi ku imong ginpapanubli kana hay imo pa nga ginpamatansahan ku pinatambok nga baka!’

Lucas 16:1

Pagkatapos, may gin-istorya pa si Jesus sa anang mga sumueunod, “May sangka manggaranon nga may administrador. May nagreklamo sa manggaranon nga ginapaumangan ku administrador ro pagpadaeagan ku anang negosyo.

Lucas 16:19

Tapos, may gin-istorya pa gid si Jesus, “May sangka manggaranon nga ro anang suksuk hay puro manami ag maeahaeon. Kalipay eo't-a nana nga magpaponsyon adlaw-adlaw agod makita ro anang grabi nga kabuganaan.

Mga TagaEfeso 2:13

Pero makaron, tungod sa inyong maeueot nga kaangtanan kay Kristo Jesus, kamo nga mga maeayo anay sa Dyos hay ginpapaeapit nana paagi sa pagpatueo ku dugo ni Kristo tag namatay imaw.

Mga TagaEfeso 2:17

Si Kristo hay nag-adto riya ag nagwali ku mayad nga balita nga makapanumbalik eon ro mayad nga relasyon ku tanan nga tawo sa Dyos, kamo nga mga bukon it Judio nga maeayo anay kana, ag kami man nga mga Judio nga maeapit.

2 Pedro 2:13

Pagabaeusan sanda it kasakit sa masakit nga andang ginaobra. Ro andang kalibangan hay pagpinagusto sa andang maeain nga handom bisan mahayag pa ro adlaw. Kon nagaiba sanda kinyo sa inyong mga pagkaon kaibahan ku pagdumdum ku kamatayon it Ginuo hay ginaluko nanda kamo ay ro anda malang nga ginaobra hay maglinamon ag mag-ininom nga owa it pugong-pugong. Pareho sanda it mantsa ag diperensya nga nagapaeaw-ay sa manami nga eambong.