Lucas 15:10 - Inkeanon

¹⁰ Ginahambae ko kinyo nga magakalipay ro mga anghel it Dyos kon may sangka makasasaea nga maghinuesoe ag magtalikod sa anang mga saea.”

Lucas 15:10 Iomraidhean Croise

Mateo 10:32

“Ro nagaako sa atubang it mga tawo nga nagatuo imaw kakon hay akon man nga akuon sa atubang ku akong Ama sa eangit.

Mateo 18:10

Naghambae pa gid si Jesus, “Ayaw gid ninyo pagtuya-tuyaa bisan sambilog sa mga mapainubuson ngara nga nagatuo kakon. Ginahambae ko eagi kinyo nga ro mga anghel nga manogbantay nanda hay makapakigkita bisan anong oras sa akong Ama sa eangit.

Mateo 18:14

Makaruyon man ro baeatyagon ku inyong Ama sa eangit. Owa gid imaw naila nga may maduea bisan sambilog sa mga mapainubuson ngara nga nagatuo kakon.”

Lucas 12:8

Naghambae pa gid si Jesus, “Ginahambae ko kinyo nga ro nagaako sa atubang it mga tawo nga nagatuo imaw kakon hay akuon man nakon nga Unga it Tawo sa atubang it mga anghel it Dyos.

Lucas 12:9

Pero ro nagapanghiwaea sa atubang it tawo nga nagatuo imaw kakon hay akon man nga ipanghiwaea sa atubang it mga anghel it Dyos.

Lucas 13:5

Bukon 't-a it makaruyon. Ginahambae ko eagi kinyo nga kon indi kamo magtalikod sa inyong mga saea hay pinahan man kamo tanan sa impyerno.”

Lucas 15:11

May gin-istorya pa gid si Jesus kanda. Hambae nana, “May sangka tatay nga may daywang ka unga nga eaki.

Lucas 15:7

Ginahambae ko kinyo nga mabahoe gid ro kalipay idto sa eangit sa bisan sambato eang nga makasasaea iya sa kalibutan nga maghinuesoe ag magtalikod sa anang mga saea. Pero owa gid it kalipay idto sa eangit sa 99 nga iya sa kalibutan nga nagaeaom nga matarong sanda ag owa eon it kinahangean nga magtalikod sa saea.”

Lucas 15:9

Kon hikita eon nana rato hay pangtawgon nana ro anang mga amiga ag kahilapit. Hambaeon nana sanda, ‘Mali kamo, magkasadya kita! Nalipay gid ako it duro ay hakita eon nakon ro akong naduea nga drakma.’

Lucas 7:47

Ngani, ginahambae ko kimo nga bisan abo ro saea ku bayi ngara hay ginpatawad imaw it Dyos ag masayran ron sa anang mabahoe nga paghigugma nga ginpakita kakon. Pero ro sangkiri ro anang saea nga ginpatawad it Dyos hay maisot man ro anang paghigugma.”

Mga Binuhatan 11:18

Owa kasabat ratong mga nagbusla kay Pedro pagkabati nanda kara. Gindayaw dayon nanda ro Dyos ag sinanda, “Gintaw-an ma't-a gali ku Dyos it kahigayunan ro mga bukon it Judio agod maghinuesoe ag magtalikod sa andang mga saea agod makabaton it kabuhi nga owa it katapusan.”

Mga Binuhatan 5:19

Pero ku gabii ngaron hay ginbuksan ku sangka anghel it Ginuo ro mga pwertahan it prisuhan ag ginpaguwa ro mga apostoles. Naghambae dayon kanda ro anghel,

2 Corinto 7:10

Ro kasubo nga suno sa kabubut-on it Dyos hay ro kasubo nga gapahinue-soe sa mga tawo ag gapatalikod kanda sa andang saea ag gadaea ron kanda sa kaeuwasan. Ngani indi dapat nga nue-an ro kasubo nga makaruyon. Pero ro kasubo ku mga owa nagatuo hay indi kanda makapatalikod sa saea ag magadaea ron kanda sa kamatayon nga owa it katapusan nga pina sa impyerno.

Filemon 1:15

Pagbuot siguro it Dyos nga magbueag anay kamo ni Onesimus it madaling oras agod may inyo eon dayon nga bag-o nga kaangtanan nga magapadayon hasta sa owa it katapusan.

Mga Hebreo 1:14

Hay ano gali ro mga anghel kon mawron? Sanda ro mga indi makita nga mga tinuga nga nagaserbi sa Dyos, ag sanda hay ana nga ginapadaea para sa ikamayad ku mga tawo nga ro dangaton hay kaeuwasan halin kana.