Lucas 14:23 - Inkeanon

²³ Nagsabat ro amo, ‘Panaw ag paadtuna riya ro tanan nga tawo nga imong hiagyan sa mga daean sa guwa it banwa ag sa mga aeagyan paadto sa kabaryuhan agod mapuno it tawo ro akong baeay.

Lucas 14:23 Iomraidhean Croise

Mateo 21:43

“Ngani ginahambae ko eagi kinyo nga bukon eon it kamo ro bilangon it Dyos nga anang mga sinakpan kundi ro iba't-ang mga tawo nga ro bunga ku andang kabuhi hay magapalipay kana.

Mateo 5:41

Kon may gapilit kimo nga daehon ro anang dinaea it sang kilometro, daeha hasta it daywang kilometro.

Lucas 14:22

Nagpanaw ro ulipon ag pagbalik nana hay nagsugid imaw sa amo, ‘Sir, tapos eon nakon ro imong ginsugo ngato pero may lugar pa gihapon sa lamisa.’

Lucas 14:24

Ginahambae ko eagi kinyo nga owa gid it bisan sambilog sa ratong mga tawo nga hauna ko nga ginpangangay nga makasamit sa pagkaon nga akon nga ginpapahaom.’ ”

Lucas 24:29

pero ginhawiran gid nanda imaw. Hambae nanda, “Iya ka lang eubog. Hapon eon nga mayad ag madueom-dueom eo't-a.” Ngani nagpahawid imaw kanda.

Mga Binuhatan 16:15

Ginbawtismuhan dayon imaw pati man ro anang panimaeay. Pagkatapos hay ginkangay nana kami. Hambae nana, “Kon nagapati kamo nga tumueuo matuod ako it Ginuo hay musyon kamo sa amon ag idto kamo magdayon.” Owa gid-a kami kabalibad kana ay maemae eo't-a ra kangay kamon.

Mga Binuhatan 18:6

Tag ginkuntra nanda si Pablo ag ginpakaeain hay ana nga ginwaswas ro anang eambong bilang tanda nga ginapabay-an lang nana sanda. Hambae ni Pablo kanda, “Kon pinahan man kamo it Dyos hay saea eo't-a ninyo ron, bukon 't-a it akon. Umpisa makaron hay idto't-a ako mawali sa mga bukon it Judio.”

Mga Binuhatan 28:28

Hambae pa gid ni Pablo, “Dapat ninyong masayran nga may ginpadaea ro Dyos nga mga gabalita sa mga bukon it Judio parti sa rayang kaeuwasan nga akong ginahinambae kinyo. Ag ro mga bukon it Judio ngato hay magapamati kara.”

Mga Binuhatan 9:15

Pero nagsabat kana ro Ginuo, “Panaw eon idto ay ginpili ko imaw nga akong gamiton sa pagwali parti kakon sa mga bukon it Judio, pati sa andang mga hari ag sa mga kadugo ninyo nga mga inapo ni Israel.

Mga TagaRoma 10:18

Pero mangutana ako. Posible baea nga owa nagtuo ro mga Judio sa mensahi parti kay Kristo dahil owa sanda nakabati karon? Nakabati't-a sanda. Isipa baea ninyo ro nasueat sa Kasueatan parti sa mga gintuga it Dyos idto sa kaeangitan nga, “Ro andang mensahi parti sa Dyos hay hababatian gihapon sa bilog nga kalibutan. Ag ro andang mga ginapahayag hay nakakaabot bisan pa sa pinakamaeayo nga mga lugar.”

2 Corinto 5:11

Ngani dahil sayod namon nga makahaeadlok ro paghukom it Ginuo, mawron nga nagapangabudlay kami nga kumbinsihon ro mga tawo nga magpati sa Mayad nga Balita. Hasayran it Dyos nga ro among batasan ag motibo hay mayad ag gaeaom ako nga hasayran man ra ninyo.

2 Corinto 5:20

Ngani mga representanti kami ni Kristo ag matsa ro Dyos mismo ro nagahambae sa mga tawo kon nagahinyo kami kanda nga magpasakop sanda sa Dyos agod magmayad eon ro andang relasyon kana.

2 Corinto 6:1

Bilang mga katuwang it Dyos sa anang bueuhaton, ginahinyo namon kamo nga ayaw ninyo pagbaliwalaa ro anang sobrang kabuot nga inyong haagyan. Kon baliwalaon abi ninyo ro anang sobrang kabuot kinyo hay mangin owa ron it pueos.

Mga TagaColosas 1:23

Matabo eang ra kon magpadayon kamo sa inyo nga malig-on ag indi mahuyang nga pagtuo, ag indi gid magduda nga mabaton ninyo ro mga mayad nga butang nga ginpromisa sa Mayad nga Balita nga inyong habatian. Ro Mayad nga Balita ngara hay ginasugid sa bilog nga kalibutan, ag ako nga si Pablo hay ginpili it Dyos nga magsugid karon.

Mga TagaColosas 1:28

Ro parti kay Kristo ro ginawali namon sa tanan nga mga tawo. Ginapaandaman namon sanda ag ginagamit namon ro tanan nga kaaeam nga gintao it Dyos sa pagturo kanda, agod ikapaatubang namon sanda sa Dyos nga may hugot nga pagtuo kay Kristo ag owa it kasawayan.

2 Timoteo 4:2

iwali ro mensahi it Dyos. Dapat nga permi ka nga haom nga magwali bisan mayad o bukon it mayad ro sitwasyon. Ipasayod sa mga tawo ro andang saea, pangisgi sanda ag eaygayan mo man dayon agod nga magbaskog ro andang buot. Magmapinasensyahon ka samtang nagaturo kanda.