Lucas 14:21 - Inkeanon

²¹ Nagbalik ro ulipon sa anang amo ag nagsugid. Pagkabati ku amo hay naakig imaw ag ginhambae nana ro ulipon, ‘Adto makaron eagi sa banwa, ag daeha riya tanan ro imong makita sa mga karsada ag mga iskinita bisan ro mga pobre, ro mga kimpay, ro mga bulag ag ro mga paki.’

Lucas 14:21 Iomraidhean Croise

Mateo 11:28

Naghambae dayon si Jesus, “Kamo tanan nga mga ginagaoy ag ginabug-atan ku inyong mga paeas-anon, paeapit kamo kakon ay papahuwayon ko kamo.

Mateo 11:5

Sugiri imaw nga nakakita eon ro mga bulag, nakatikang eon ro mga eupog, nagmayad eon ro mga aruon, nakabati eon ro mga bungoe, nabanhaw ro mga patay, ag ginawali sa mga kubos ro Mayad nga Balita.

Mateo 15:12

Nagpaeapit dayon kana ro anang mga sumueunod ag naghambae, “Sayod mo baea nga nanaw-ay it duro ro mga Pariseo pagkabati nanda sa imong ginhambae ngato?”

Mateo 18:31

“Pagkakita ku iba pang mga ulipon ku natabo hay naugot-ugot sanda it duro ag sinugid nanda sa hari ro tanan nandang hakita.

Mateo 20:7

“ ‘Owa man abi it gapaobra kamon,’ sabat nanda. “Naghambae ro tag-ana it ubasan, ‘Adto kamo sa akong ubasan ag magtrabaho.’

Lucas 14:13

Pero kon maghanda ka, kangaya't-a permi ro mga pobre, ro mga kimpay, ro mga eupog ag ro mga bulag.

Lucas 14:20

Hambae ma't-a ku isaea, ‘Bag-o eang gid abi ako nga kasae. Indi gid ako makaadto.’

Lucas 14:22

Nagpanaw ro ulipon ag pagbalik nana hay nagsugid imaw sa amo, ‘Sir, tapos eon nakon ro imong ginsugo ngato pero may lugar pa gihapon sa lamisa.’

Lucas 14:24

Ginahambae ko eagi kinyo nga owa gid it bisan sambilog sa ratong mga tawo nga hauna ko nga ginpangangay nga makasamit sa pagkaon nga akon nga ginpapahaom.’ ”

Lucas 24:47

Ag nasueat man nga sa anang pangaean hay igawali sa tanan nga tawo, umpisa iya sa Jerusalem hasta sa bilog nga kalibutan, nga dapat sanda nga maghinuesoe ag magtalikod sa andang mga saea agod patawaron it Dyos.

Lucas 9:10

Pagbalik ku mga apostoles halin sa andang panaw, ginsugid nanda kay Jesus ro andang gin-obra. Gindaea dayon nana sanda sa lugar nga maeapit sa banwa it Betsaida agod sanda-sanda eang idto.

Juan 9:39

Naghambae si Jesus, “Nag-adto ako iya sa kalibutan agod ipaeain ro mga nagatuo kakon sa mga owa nagatuo. Ro mga nagaako nga kueang ro andang pagkaeubot sa plano it Dyos hay buligan ko nga makaeubot. Pero ro mga owa nagaako nga kueang ro andang pagkaeubot karon hay mas kapin pa nga padueumon ko ro andang paino-ino agod indi sanda tapat makaeubot.”

Mga Hebreo 13:17

Tumana ninyo ro mga nagadumaea kinyo nga mga tumueuo, ag magpasakop kamo kanda, dahil sanda ro nagadipara kinyo sa mga bagay nga parti sa inyong pagtuo. Ag sanda man sa ulihi ro magapanabat sa Dyos kon mauno ro anda nga pagdipara kinyo. Kon inyo sanda nga tumanon, magaserbi ron sanda nga malipayon, pero kon indi ninyo sanda pagpatihon, magaserbi man ron gihapon sanda pero nagapanghayhay ag kamo karon ro alkansi.

Mga Hebreo 2:3

Kon makaruyon nga ginpinahan sanda dahil owa sanda nagpati sa ginsugid it mga anghel, paalin kita makalibre sa pina kon baliwalaon naton ro ginsugid it Ginuo parti sa kaeuwasan nga owa it katupong? Ro Ginuo mismo ro hauna nga nagsugid kara, ag ro mga nakabati kana hay nagpamatuod katon nga matuod ro mensahi ngaron.

Santiago 2:5

Pamati kamo, mga pinalangga ko nga igmanghod sa pagtuo! Bukon abi it abo sa mga pobre iya sa kalibutan hay ginpili it Dyos agod mangin manggaranon sa pagtuo kana? Ag bukon abi it itapoe sanda sa anang mga sinakpan ay duyon ro anang ginpromisa sa mga nagahigugma kana?

Pahayag 19:15

Halin sa anang ba-ba hay may nagaguwa nga espada nga mataeom. Ruyon ro anang gamiton sa pagperdi sa mga tawo sa bilog nga kalibutan nga indi magpasakop kana. Ro anang pagdumaea kanda hay strikto nga matsa gagamit imaw it baston nga saesaeon sa pagpina sa tanan nga gakuntra kana. Ag kon may una nga magsukoe kana hay ana nga eusakon pareho ku pageusak it ubas sa eueusakan nga nagasimbolo ku grabi nga kaakig it makagagahom nga Dyos sa saea it mga indi magtuo kana.

Pahayag 22:17

Hambae ku Espirito it Dyos ag ku nobya ku Tiyo it Karnero “Maliya.” Ag ro tanan nga kabati kara hay mahambae man it, “Maliya.” Ro bisan sin-o nga ginauhaw hay puyding magpaeapit. Ag ro naila mag-inom ku tubi nga nagatao it kabuhi hay puydi kainom it libre.