Lucas 13:6 - Inkeanon

⁶ Gintud-an man sanda ni Jesus paagi sa rayang paanggid nga istorya. Hambae nana, “May sangka tawo nga nagtanom it kahoy nga higera kon tawgon idto sa anang ubasan. Kat tigbueunga eon, inadtunan nana ro kahoy ngato ag tinan-aw kon may bunga eon, pero owa gid imaw it hakita.

Lucas 13:6 Iomraidhean Croise

Lucas 13:5

Bukon 't-a it makaruyon. Ginahambae ko eagi kinyo nga kon indi kamo magtalikod sa inyong mga saea hay pinahan man kamo tanan sa impyerno.”

Lucas 3:9

Haom eon ro pina it Dyos kinyo pareho it wasay nga haom eon nga ipukan it kahoy. Ro kada kahoy nga owa nagabunga it manami hay pukanon ag igatong.”

Juan 15:16

Bukon it kamo ro nagpili kakon kundi ako't-a ro nagpili ag nagbutang kinyo sa oeobrahon it pagpanaw ag pagturo parti kakon, agod magtuo man ro ibang tawo kakon. Ro bunga ku inyong pagkabudlay ngaron hay magapadayon bisan hasta hin-uno. Ag dahil karon hay taw-an kamo ku Ama it bisan ano nga inyong pangayuon sa akon nga ngaean.

Mga TagaGalacia 5:22

Pero kon ginagiyahan kita ku Espirito Santo, makaraya ro bunga karon sa atong kabuhi: kita hay mahigugmaon, malipayon, may katawhayan, mapinasensyahon, mabuot, mayad magtratar sa isigkatawo, masaligan,

Mga TagaFilipos 4:17

Ginasambit ko ra bukon it dahil gusto ko eang nga regaluhan, kundi gusto ko nga tungod sa inyong padayon nga pagtao kakon hay dugangan pa gid it Dyos ro premyo nga anang ginatigana kinyo.