Lucas 13:3 - Inkeanon

³ Bukon 't-a it makaruyon. Ginahambae ko eagi kinyo nga kon indi kamo magtalikod sa inyong mga saea hay pinahan kamo tanan sa impyerno.

Lucas 13:3 Iomraidhean Croise

Mateo 12:45

Tapos, masampit imaw it pito pa gid nga ka espirito nga mas maeain pa kaysa kana. Masueod sanda sa tawo ngato ag idto mag-istar, ngani mangin mas grabi ro sitwasyon ku ratong tawo kaysa sa dati. Makaruyon man ro matabo sa mga maeain nga tawo sa makaron nga tyempo.”

Mateo 22:7

“Ngani naakig gid it duro ro hari pagkabati nana ku natabo. Pinapanaw dayon nana ro anang mga soldado agod pamatyon ro mga nagpamatay ngato ku anang mga sueuguon ag sunugon ro andang syudad.

Mateo 3:2

Hambae nana permi sa mga tawo, “Maghinuesoe kamo ag magtalikod sa inyong mga saea ay madali lang ro oras nga ipahayag it Dyos ro anang paghari sa tagipusuon ku anang mga sinakpan.”

Lucas 13:2

Pagkabati kara ni Jesus, naghambae imaw, “Kon kinyo, nagakahueugan baea ra nga ro mga tagaGalilea ngato hay pinakamakasasaea sa tanan nga tagaGalilea dahil sa natabo ngato kanda?

Lucas 13:4

Hay tag 18 ngato nga ka tagaJerusalem nga natumbahan it tore idto sa Siloam ag nagkaeamatay? Kon kinyo, nagakahueugan man baea ra nga sanda ro pinakamakasasaea sa tanan nga nagaistar sa Jerusalem dahil sa natabo ngato kanda?

Lucas 13:5

Bukon 't-a it makaruyon. Ginahambae ko eagi kinyo nga kon indi kamo magtalikod sa inyong mga saea hay pinahan man kamo tanan sa impyerno.”

Lucas 24:47

Ag nasueat man nga sa anang pangaean hay igawali sa tanan nga tawo, umpisa iya sa Jerusalem hasta sa bilog nga kalibutan, nga dapat sanda nga maghinuesoe ag magtalikod sa andang mga saea agod patawaron it Dyos.

Mga Binuhatan 3:19

Ngani maghinuesoe kamo ag magtalikod sa inyong mga saea ag magpanumbalik sa Dyos agod patawaron nana kamo.