Lucas 13:29 - Inkeanon

²⁹ Sa rato man nga tyempo hay magaaeabutan ro mga tawo halin sa tanan nga parti it kalibutan ag magasaeo sa pagkaon kaibahan ku tanan nga mga sinakpan it Dyos.

Lucas 13:29 Iomraidhean Croise

Mateo 8:11

Ginahambae ko eagi kinyo nga sa ulihi hay kaabo-abo nga tawo nga naghalin sa sari-sari nga lugar sa bilog nga kalibutan ro igatapoe sa mga sinakpan it Dyos nga anang ginaharian, ag magasaeo sanda permi kanday Abraham, Isaac, ag Jacob sa pagkaon.

Marcos 13:27

Akon dayon nga suguon ro mga anghel nga tipunon ro akon nga mga pinili nga katawhan halin sa tanang parti it kalibutan.

Lucas 13:30

Pamati kamo. May mga haulihi nga mauna ag may mga hauna nga maulihi.”

Mga Binuhatan 28:28

Hambae pa gid ni Pablo, “Dapat ninyong masayran nga may ginpadaea ro Dyos nga mga gabalita sa mga bukon it Judio parti sa rayang kaeuwasan nga akong ginahinambae kinyo. Ag ro mga bukon it Judio ngato hay magapamati kara.”

Mga TagaColosas 1:23

Matabo eang ra kon magpadayon kamo sa inyo nga malig-on ag indi mahuyang nga pagtuo, ag indi gid magduda nga mabaton ninyo ro mga mayad nga butang nga ginpromisa sa Mayad nga Balita nga inyong habatian. Ro Mayad nga Balita ngara hay ginasugid sa bilog nga kalibutan, ag ako nga si Pablo hay ginpili it Dyos nga magsugid karon.

Mga TagaColosas 1:6

Rayang mensahi hay nagaeapnaag man sa bilog nga kalibutan. Bisan siin ra makaabot hay nagadinugang pa gid ro nagatuo kara, ag nagabag-o ro kabuhi ku mga nagatuo pareho man sa natabo inha kinyo. Halin ku pagkabati ninyo ku Mayad nga Balita hay inyo nga haeubtan it mayad kon ano gid ro sobrang kabuot it Dyos nga anang ginpakita pageuwas nana kinyo.