Lucas 13:25 - Inkeanon

²⁵ kon makapanirado eo't-a ro tagbaeay. Hibinlan lang kamo sa liwan it pwertahan nga gapinanuktok ag gahinambae, ‘Ginuo, buksi kami.’ Pero sabton na kamo, ‘Owa ko gid kamo pagkilan-a nga akong mga katawhan ag bisan ro inyong ginhalinan!’

Lucas 13:25 Iomraidhean Croise

Mateo 25:41

“Tapos hay hambaeon ko tag mga ratong sa akong may waea, ‘Halin kamo iya, mga ginsumpa it Dyos! Idto kamo sa lugar kon siin ro kaeayo hay nagadabdab hasta sa owa it katapusan nga gintigana kay Satanas ag sa anang mga anghel.

Lucas 13:27

Pero masabat ro tagbaeay, ‘Owa ko gid kamo pagkilan-a nga akong mga katawhan ag bisan ro inyong ginhalinan. Halin kamo iya, kamo tanan nga puro bukon it matarong ro buhat!’

Lucas 3:8

Kon matuod nga nagatalikod kamo sa inyong mga saea, ipakita ron paagi sa inyong mayad nga buhat. Ag ayaw kamo magsalig nga tungod mga inapo kamo ni Abraham hay makalibre kamo sa pina it Dyos. Ginahambae ko kinyo nga ro Dyos hay makahimo it inapo ni Abraham halin sa rayang mga bato iya.

Lucas 6:46

Naghambae pa gid si Jesus, “Ham-an it ginatawag ninyo ako nga Ginuo ay owa man kamo nagatuman sa akong ginahambae kinyo?

2 Corinto 6:2

Dumduma ninyo ro nasueat sa Sagrado nga Kasueatan nga ginhambae it Dyos, “Sa tama nga oras nga akong ginplano hay ginpamatian ko ro inyong pangamuyo ag sa raya nga oras nga posible eon maeuwas ro tawo hay ginbuligan ko kamo.” Pamati kamo! Raya ro tama nga oras nga posible eon nga maeuwas ro tawo.

Mga Hebreo 12:17

Hasayran abi ninyo nga ku ulihi, tag gusto eon kunta nana nga mabaton sa anang ama ro bendisyon bilang panganay hay ginbalibaran eo't-a imaw ay bukon eon imaw it bagay magbaton kato. Bisan nagtilinangis imaw sa anang pagpangayo nga magbag-o ro isip ni tatay na hay owa gid it natabo.