Lucas 13:24 - Inkeanon

²⁴ “Magtinguha gid kamo nga makasueod sa makitid nga pwertahan pasueod sa eangit. Ginahambae ko eagi kinyo nga sa ulihi hay abo ro magatinguha nga magsueod pero indi eon sanda makasueod

Lucas 13:24 Iomraidhean Croise

Mateo 11:12

Umpisa ku pagwali ni Juan nga Manogbawtismo hasta makaron, ro Mayad nga Balita nga puydi eon ikatapoe ro mga tawo sa mga sinakpan it Dyos hay madasig nga nagaeapta ag grabi ro epekto karon sa mga tawo. Abo nga mga tawo ro pursigido gid nga matapoe sa mga sinakpan ngaron it Dyos.

Lucas 13:23

Sa sangka lugar nga andang gin-agyan hay may nagpangutana kana, “Sir, sangkiri eang baea ro maeuwas?” Naghambae si Jesus kanda tanan,

Lucas 21:36

Magbantay gid kamo ag magpangamuyo permi nga may inyo nga kusog agod maeampuwasan ro tanan ngara nga matabo, ag makaatubang kamo kakon nga Unga it Tawo nga owa it pagkatahap kon maghukom eon ako.”

Juan 13:33

Mga palangga nakon nga mga unga, indi eon magbuhay ro akon nga pag-iba kinyo, ag kon owa eon ako riya hay usuyon ninyo ako. Pero ihambae ko man kinyo makaron ro akon kato nga ginhambae sa mga manogdumaea it mga Judio nga indi kamo makaadto sa akong ginaadtunan.

Juan 6:27

Ayaw kamo magkinabudlay para sa pagkaon nga nagakaban-os eang kundi para sa minatuod nga pagkaon nga nagadurar ag nagatao it kabuhi nga owa it katapusan. Raya ro pagkaon nga itao ko kinyo tungod ako nga Unga it Tawo ro ginbutang ku Dyos Ama nga anang tigeawas nga magtao karon.”

Juan 7:34

Usuyon dayon ninyo ako, pero indi ninyo ako makita. Indi kamo makaadto sa akon nga ginaadtunan.”

Juan 8:21

Tapos, naghambae pa gid si Jesus kanda, “Sa indi magbuhay hay mapanaw eon ako ag inyo ako nga usuyon, pero indi ninyo ako makita, ag mamatay kamo nga owa mapatawad ro inyong mga saea. Indi kamo makaadto sa akong adtunan.”

Mga TagaColosas 1:29

Ginatinguhaan ko gid nga mahimo ro trabaho nga ginsalig kakon it Dyos paagi sa gahom nga ginatao kakon ni Jesu-Kristo.

Mga Hebreo 4:11

Ngani tinguhaan ta gid nga masamitan raya nga kapahuwayan. Indi kita magtuead sa mga kalolo-lolohan naton nga owa magtuman sa Dyos ngani owa sanda kasamit ku ratong kapahuwayan nga ana kunta nga itao kanda.

2 Pedro 1:10

Ngani, mga igmanghod, tinguhaa gid nga magpadayon ro inyong mayad nga batasan agod masiguro ninyo sa inyong kaugalingon nga pinili gid matuod kamo it Dyos, ag tinawag nga mangin anang mga katawhan. Kon himuon ninyo ron hay indi gid kamo hinandad sa inyong pagsunod sa Ginuo