Lucas 13:19 - Inkeanon

¹⁹ Pareho ra it busoe it mustasa nga gintanom it sangka tawo sa anang taeamnan. Pagkatapos hay nagtubo ra hasta nangin pareho it bahoe it kahoy ag puydi eon nga mapugaran it mga pispis ro anang mga sanga.”

Lucas 13:19 Iomraidhean Croise

Mateo 17:20

Nagsabat si Jesus, “Tungod kueang pa ro inyong pagtuo kakon. Pero matuod rang ginahambae kinyo nga kon may inyo nga pagtuo nga bisan mat busoe eang it mustasa it bahoe hay puydi ninyo nga suguon rayang bukid nga ‘Adto rikato’ ag maadto ron idto. Mahimo ninyo ro tanan.

Marcos 4:30

Tapos hay naghambae pa gid si Jesus, “Mauno ro paghari it Dyos? Sa ano naton ra ikakompara?

Lucas 17:6

Nagsabat ro Ginuo, “Kon may inyo nga pagtuo nga bisan mat busoe eang it mustasa it bahoe, ag halimbawa nga ginsugo ninyo ro mabahoe ngara nga kahoy nga gabuton nana ro anang kaugalingon ag itanom sa eawod hay tumanon 't-a kamo karon.”

Mga Binuhatan 2:41

Abo ro nagpati sa mensahi ni Pedro ag ginbawtismuhan dayon sanda. Ngani mga tatlong libong ka tawo ro nagdugang sa mga tumueuo ku ratong adlaw.

Mga Binuhatan 21:20

Pagkabati kara ku mga manogdumaea ngato hay gindinayaw nanda ro Dyos. Naghambae dayon sanda kay Pablo, “Palangga namon nga igmanghod, sayod mo nga linibo nga mga kadugo natong mga Judio ro nagtuo kay Jesus ag tanan sanda hay pursigido gid sa pagtuman ku atong Kasuguan.

Mga Binuhatan 4:4

Pero bisan makarato ro natabo hay abo sa mga nakabati ku mensahi ni Pedro ro nagpati. Kon taeapueon it huyap rayang mga nagpati ag ratong mga hauna, ro mga eaki eang hay nakaabot eon it mga 5,000.

Mga TagaRoma 15:19

Ginbuligan na man ako sa paghimo it mga makangawa-ngawa ag milagrosong pamatuod paagi sa gahom it Espirito Santo. Ginwali ko it husto ro Mayad nga Balita parti kay Kristo sa tanan nga lugar, halin sa Jerusalem hasta sa pinakamaeayo nga nasyon it Iliricum.

Pahayag 11:15

Ginpatunog dayon ku ikapito nga anghel ro anang trumpeta ag may mabaskog nga mga limog sa eangit nga naghambae, “Umpisa makaron, owa eon it iba nga magahari kundi ro aton nga Ginuong Dyos, ag magahari imaw hasta sa owa it katapusan kaibahan ku Maneueuwas nga anang ginpromisa.”