Lucas 13:16 - Inkeanon

¹⁶ Hay rayang bayi ngara nga apo pa ni Abraham hay gin-gapos ni Satanas sa sueod it 18 anyos. Bukon abi it dapat gid nga hilwayon eon imaw sa anang masakit bisan Adlaw pa ra it Inogpahuway?”

Lucas 13:16 Iomraidhean Croise

Mateo 4:10

Nagsabat si Jesus, “Halin iya, Satanas! Nasueat sa Sagrado nga Kasueatan nga ‘Ro Ginuo nga imong Dyos eang ro imong simbahon ag imaw eang ro imong serbihan.’ ”

Marcos 2:27

Ag naghambae pa gid si Jesus, “Ro tuyo it Adlaw it Inogpahuway hay para sa kamaeayran it tawo, bukon it agod pakalisdon ro tawo sa mga sueundanan ku Adlaw it Inogpahuway.

Lucas 16:24

Nagsinggit ro manggaranon, ‘Lolo Abraham, maeuoy ka man kakon! Paadtuna iya si Lazarus ag patum-uyan kana ro anang tudlo sa tubi ag ipatueo sa akong dila, agod maeamigan ay indi eon ako katakod ku kainit it kaeayo ngara!’

Lucas 19:9

Naghambae dayon si Jesus, “Makaron nga adlaw, gineuwas sa pina it saea rondayang panimaeay tungod ginpakita ni Zakeus nga isaea imaw sa minatuod nga inapo ni Abraham.

Lucas 3:8

Kon matuod nga nagatalikod kamo sa inyong mga saea, ipakita ron paagi sa inyong mayad nga buhat. Ag ayaw kamo magsalig nga tungod mga inapo kamo ni Abraham hay makalibre kamo sa pina it Dyos. Ginahambae ko kinyo nga ro Dyos hay makahimo it inapo ni Abraham halin sa rayang mga bato iya.

Juan 8:44

Si Satanas ro inyong ama, ngani naila kamo magtuman sa anang gusto. Halin pa ku umpisa hay manogpatay eon imaw ag ginakaugtan nana ro kamatuuran, ay maeayo ro kamatuuran sa anang kabubut-on. Kon gapinuril ngani imaw hay suno gid-a ron sa anang kinaiya, ay purilon imaw ag imaw man ro ginahalinan it tanan nga kapurilan.

Mga Binuhatan 13:26

“Mga igmanghod, mga inapo ni Abraham, ag mga bukon it Judio nga nagasimba man sa Dyos, kita mismo ro ginpadaehan ku rayang mensahi kon paalin kita maeuwas it Dyos.

2 Timoteo 2:26

Ag basi makatagumpaaw sanda ag makapaeagiw eon sa kisiw ni Satanas nga nagdakop kanda agod magtuman sa anang gusto.