Lucas 13:15 - Inkeanon

¹⁵ Nagsabat kana ro Ginuo, “Mga ipokrito gid-a kamo! Bukon abi it inyo nga ginahubad ro inyong asno o baka sa pasindungan ag ginadaea sa pasabsaban bisan Adlaw it Inogpahuway?

Lucas 13:15 Iomraidhean Croise

Mateo 15:14

Ngani ayaw ninyo sanda pag-inatuha, ay pareho ron sanda it bulag nga nagaguyod man it bulag. Ag kon bulag man ro nagaguyod sa isaea pa nga bulag hay pareho sanda nga mahueog sa kutkut.”

Mateo 15:7

Mga ipokrito gid-a kamo! Tama gid ro hambae ni Propeta Isaias parti kinyo kato anay nga,

Mateo 23:13

Naghambae pa gid si Jesus, “Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi, tungod paagi sa inyong saea nga mga ginaturo hay inyo nga ginapugngan ratong gusto nga matapoe sa mga sinakpan it Dyos. Kamo mismo hay nagabalibad nga mangin anang mga sinakpan, tapos hay ginapugngan pa ninyo ro naila.

Mateo 23:28

Makaruyon gid 't-a kamo ay kon tan-awon it mga tawo hay mga matarong kamo, pero ro minatuod hay puro kaipokrituhan ro una sa inyong kabubut-on ag permi ninyong ginabaliwala ro Kasuguan it Dyos.”

Mateo 7:5

Eaom nimo hay mayad ka gid-ing! Bue-a anay ro tablon sa imong mata agod makakita ka it mayad bago mo bue-on ro puling ku imong isigkapareho.

Lucas 12:1

Tag nagakatabo ra hay nagtililipon ro linibo nga mga tawo nga nagtaeapakan eon sanda sa andang kaabo. Naghambae anay si Jesus sa anang mga sumueunod, “Mag-andam gid kamo agod indi kamo matapnan ku pangpaalsa it tinapay ku mga Pariseo. Ro akong buot hambaeon hay ro andang pagkaipokrito.

Lucas 14:5

Ginhambae dayon ni Jesus sanda, “Sin-o iya kinyo ro indi eagi magpatakas ku anang unga o baka nga nahueog sa bubon sa Adlaw it Inogpahuway?”

Lucas 6:42

Paalin ka makahambae sa imong isigkatawo nga bue-on mo ro anang puling nga ikaw ngani mismo hay owa kakita ku tablon nga una sa imong mata? Eaom nimo hay mayad ka gid-ing! Bue-a anay ro tablon sa imong mata agod makakita ka it mayad bago mo bue-on ro puling ku imong isigkatawo.”

Lucas 7:13

Pagkakita it Ginuo sa ina ku namatay hay naeuoy gid imaw it duro ag ginhambae nana ro bayi, “Ayaw eon it tangis.”

Lucas 7:19

ag ginpaadto nana sa Ginuo agod mangutana kon imaw eon ro andang ginapaabot nga ginpromisa it Dyos ukon mahueat pa sanda it iba.