Lucas 13:14 - Inkeanon

¹⁴ Ugaling hay naugot ro manogdumaea it ratong sinagoga ay nagpamayad si Jesus it masakiton sa Adlaw it Inogpahuway. Naghambae imaw sa mga tawo, “May an-om nga adlaw nga inogtrabaho, ngani dikato kunta kamo mag-adto iya agod magpabueong, bukon it sa Adlaw it Inogpahuway.”

Lucas 13:14 Iomraidhean Croise

Mateo 12:2

Pero may idto nga mga Pariseo nga nakakita kanda ag ginhambaean nanda si Jesus, “Tan-awa tuo ring mga sumueunod. Nagaobra't-a sanda it bawae sa Adlaw it Inogpahuway.”

Marcos 5:22

May nag-abot dayon nga sangka manogdumaea it sinagoga sa ratong lugar nga si Jairus ro ngaean. Pagkakita nana kay Jesus hay naghapa imaw sa anang atubang ag

Lucas 6:11

Naakig it duro ro mga maestro it Kasuguan ag ro mga Pariseo ngani gin-istoryahan nanda kon ano ro andang dapat obrahon kay Jesus.

Lucas 6:7

May idto man nga mga maestro it Kasuguan ag mga Pariseo. Anda gid nga ginabantayan si Jesus kon pamayron nana ro tawo ngato sa Adlaw it Inogpahuway agod may anda dayon nga ikaakusar kana.

Lucas 8:41

May nag-abot dayon idto nga sangka manogdumaea it sinagoga sa ratong lugar nga si Jairus ro ngaean. Naghapa imaw sa atubang ni Jesus ag nagpakitluoy nga mag-adto si Jesus sa anang baeay

Mga Binuhatan 13:15

Pagkatapos ku pagbasa it pilang parti ku Kasuguan it Dyos nga ginsueat ni Moises ag ku ginsueat it mga propeta hay may ginsugo ro mga manogdumaea it sinagoga nga hambaeon sanday Pablo nga, “Mga igmanghod, kon may inyo nga gustong ihambae nga makapabaskog it buot ku mga tawo hay puydi ninyo nga ihambae.”

Mga Binuhatan 18:17

Pagkakita karon ku mga pumueuyo it Corinto nga idto nagatan-aw hay dinakop ag binakoe nanda si Sostenes nga manogdumaea it sinagoga it mga Judio ngato. Hakita man ra mismo ni Gallio pero owa gid imaw nanginhoe.

Mga Binuhatan 18:8

Pero ro manogdumaea it sinagoga idto nga si Crispus ro ngaean hay nagtuo ma't-a sa Ginuo kaibahan ro anang bilog nga panimaeay. Ag abo pa gid nga mga tagaCorinto ro nagtuo ag nagpabawtismo pagkabati nanda ku wali ni Pablo.

Mga TagaRoma 10:2

Saksi ako nga may andang kainit sa pagserbi sa Dyos. Pero owa sanda kaeubot kon ano gid ro plano it Dyos kon paalin maeuwas ro tawo. Dahil owa sanda kaeubot karon hay indi nanda ron pagbatunon. Nagasinunod la't-a sanda sa andang kaugalingon nga paagi agod mangin matarong ag duyon hay paagi sa pagtuman sa mga kasuguan it Dyos.