Lucas 13:13 - Inkeanon

¹³ Gintungtung ni Jesus ro anang alima sa bayi ag nagtadlong eagi ro anang eawas kara ag nagdinayaw rayon imaw sa Dyos.

Lucas 13:13 Iomraidhean Croise

Mateo 9:8

Pagkakita kato ku kaabo nga mga tawo hay hinadlukan sanda, ag gindayaw nanda ro Dyos tungod nagtao imaw it makaruyon nga otoridad ag gahom sa tawo.

Marcos 16:18

Kon makabuyot sanda it sawa o makainom it makahieilo nga ilimnon hay indi sanda maalin. Kon magtungtung sanda ku andang alima sa mga nagamasakit hay magamayad ruyong mga nagamasakit.”

Marcos 5:23

nagpakitluoy gid. Hambae nana, “Nagatagumatayon ro akong unga nga bayi. Ngani kon mahimo hay sumunod ka sa amon ag imo nga itungtung ro imong alima kana agod magmayad imaw ag indi mamatay.”

Marcos 6:5

Hangawa gid imaw dahil indi gid ro mga tawo idto magpati kana. Mawron nga owa imaw nag-obra idto it milagro, mageuwas sa pagpamayad sa pilang bilog nga mga masakiton nga anang gintungtungan ku anang mga alima. Pagkatapos, naglinibot si Jesus sa mga kabaryuhan ag nagturo sa mga tawo idto.

Marcos 8:25

Ginbuytan it uman ni Jesus ro ana karang mga mata. Pagkatapos hay nagtueok ro eaki sa anang palibot, ag hapan-uhan nana nga nakakita eo't-a imaw it mayad.

Lucas 13:12

Pagkakita ni Jesus sa bayi ngato hay ana ra nga gintawag ag ginhambae, “Nang, hilway ka eon sa imo ngarong masakit.”

Lucas 18:43

Nakakita eagi it uman ro tawo ag nagsinunod dayon imaw kay Jesus nga nagadinayaw sa Dyos. Ag ro tanan nga mga tawo nga nakakita ku natabo hay nagdayaw man sa Dyos.

Lucas 4:40

Tag nagapatunod eon ro adlaw, ro tanan nga may nagamasakit sa anda it bisan ano nga baeatian hay nagdaea kay Jesus ku andang mga masakiton. Ana nga ginpangtungtungan ku anang alima ro kada isaea kanda ag ginpamayad sanda.

Mga Binuhatan 9:17

Ngani nag-adto si Ananias sa baeay nga ginadayunan ni Saulo. Pagkasaylo nana, anang gintungtung ro anang mga alima kay Saulo ag ginhambae ra nana, “Saulo, akong igmanghod sa pagtuo, ro Ginuo ro nagpaadto kakon iya. Imaw hay si Jesus nga nagpakita kimo sa daean tag nagapaadto ka iya. Ginpaadto nana ako iya agod makakita ka it uman, ag agod mapuno ka it Espirito Santo.”