Lucas 12:41 - Inkeanon

⁴¹ Naghambae dayon si Pedro, “Ginuo, kami eang nga imong mga sumueunod ring ginasugiran ku istorya ngara, o ro tanan nga tawo?”

Lucas 12:41 Iomraidhean Croise

Marcos 13:37

Ngani ginahambae ko gid kinyo ag pati man sa tanan nga mangin alisto gid kamo.”

Marcos 14:37

Pagkatapos hay nagbalik imaw sa tatlo ag haabutan nana sanda nga nagakatueog. Ginpukaw nana sanda ag naghambae dayon imaw kay Pedro, “Simon, ham-an it nagakinatueog ka't-ing? Indi ka eon makatakod nga indi magkatueog bisan sang oras eang ay?

Lucas 12:47

“Ro sueuguon nga nakasayod ku gusto ku anang amo, pero owa magpahaom o magtuman hay makasamit it grabi nga bakoe.

Lucas 12:48

Pero ro sueuguon nga owa kasayod ku gusto it anang amo ag nakahimo it saea nga dapat man nga pinahan ku anang amo hay makasamit gid it pina pero hay mahagan-hagan eang. Kon sin-o ro gintaw-an it abo nga pribilihiyo hay abo man ro ginapaabot kana sa ulihi ag kon sin-o ro ginsaligan it mabahoe nga responsibilidad hay mas abo pa gid ro ginapaabot kana.”

1 Pedro 4:7

Madali eon lang ro katapusan it kalibutan, ngani magpaino-ino kamo it maeawig, ag timbang-timbanga ninyo it mayad ro mga butang agod mas insakto ag epektibo ro inyong mga pangamuyo.

1 Pedro 5:8

Pugngi ro inyong kaugalingon ag mangin alisto permi ay ro inyong kaaway nga si Satanas hay pareho it naganginueob nga liyon nga nagalinibot ag nagainusoy it anang maeapa-eapa.