Lucas 12:4 - Inkeanon

⁴ Hambae ni Jesus, “Akon nga mga amigo, ginahambae ko kinyo nga ayaw kamo it kahadlok sa mga makapatay sa inyo eang nga eawas pero pagkatapos hay owa eon it mahimo pa kinyo.

Lucas 12:4 Iomraidhean Croise

Mateo 10:28

Ayaw kamo it kahadlok sa makapatay sa inyo eang nga eawas pero indi makapatay sa inyong kaeag. Ro dapat ninyong kahadlukan hay ro Dyos nga makapina it grabi ku inyong eawas, ag pati man ku inyong kaeag sa impyerno hasta sa owa it katapusan.

Juan 15:13

Owa eon it paghigugma nga makatupong pa sa paghigugma it sangka tawo nga haom magsakripisyo ku anang kabuhi para sa anang mga amigo.

Mga Binuhatan 20:24

Pero indi bali bisan patyon pa ako idto ay mas mahaega kakon nga matapos ko ro oeobrahon nga ginapaobra kakon ni Ginuong Jesus kaysa sa akong kabuhi. Ro anang ginapaobra kakon hay iwali ko ro Mayad nga Balita parti sa sobrang kabuot it Dyos.

Mga Binuhatan 4:13

Hangawa gid ro mga myembro it *Sanedrin sa kaisog nga ginpakita nanday Pedro ag Juan ay sa tan-aw nanda hay mga ordinaryo eang sanda nga mga tawo ag owa it tinun-an. Hadumduman dayon nanda nga ro daywa ngato hay kaibahan anay gali ni Jesus.

Mga TagaFilipos 1:28

Ag masayran ko man nga owa kamo nahadlok bisan ano ro obrahon ku mga nagakuntra kinyo. Ro andang pagkuntra ngaron hay gapamatuod nga pagapinahan sanda sa impyerno sa ulihi, ag ro inyong padayon nga pagtuo bisan ginakuntra kamo hay pamatuod man nga maeuwas kamo sa ulihi. Obrahon ron tanan it Dyos.

Santiago 2:23

Ag sa ginhimo ngato ni Abraham hay napamatud-an ro ginhambae it Sagrado nga Kasueatan nga, “Si Abraham hay nagtuo sa Dyos, ag tungod sa anang pagtuo, ginbilang imaw it Dyos nga matarong.” Ag gintawag pa imaw it Dyos nga anang amigo.

1 Pedro 3:14

Pero bisan kon ginapaantos kamo dahil sa inyong pag-obra it matarong hay bulahan kamo. Ayaw it kahadlok sa mga nagahingabot kinyo ag ayaw it kahawag.

Pahayag 2:10

Ayaw gid kamo it kahadlok sa mga kalisdanan nga madali lang ninyo maagyan. Pamati kamo! Sa indi magbuhay, ipapriso ni Satanas ro iba kinyo agod testingan ro inyong pagtuo. Ro inyong pagkalisod hay magaeawig it napueong adlaw. Magpakalig-on kamo sa inyong pagtuo kakon bisan patyon pa kamo, ag premyuhan ko kamo it kabuhi nga owa it katapusan.