Lucas 12:32 - Inkeanon

³² Naghambae pa gid si Jesus, “Ayaw kamo it kahadlok bisan sangkiri eang kamo ag owa it mahimo pareho it maisot nga panong it karnero tungod nalipay ro inyong Ama sa eangit nga itapoe kamo sa anang mga sinakpan.

Lucas 12:32 Iomraidhean Croise

Mateo 14:27

Pero naghambae eagi si Jesus, “Ayaw kamo it kahadlok. Ako ra.”

Mateo 20:16

Tapos hay naghambae si Jesus, “Makaruyon man ro mga haeangdon sa mata it tawo makaron. Mangin kubos sanda sa ulihi ag ro mga kubos sa mata it tawo makaron hay mangin haeangdon sa ulihi.”

Mateo 25:34

Pagkatapos, bilang Hari hay hambaeon ko ro mga tawo sa akong may tuo, ‘Maliya kamo nga mga ginapakamaayo ku akon nga Ama. Bilang anang mga sinakpan hay batuna ninyo ro inyong premyo nga gintigana kinyo halin pa ku pagtuga it kalibutan.

Mateo 7:15

Naghambae si Jesus, “Mag-andam gid kamo sa mga nagapakuno-kuno nga mga manogturo ku mensahi it Dyos nga nagaadto kinyo. Nagapakuno-kuno sanda nga mga mabuot pareho it karnero pero mga mabangis gali pareho it mga bang-aw.

Lucas 10:21

Ku rato man mismo nga oras, si Jesus hay ginpalipay it duro ku Espirito Santo ngani nagpangamuyo imaw, “Ama, ikaw nga Ginuo ku tanan sa eangit ag sa kalibutan, ginapasaeamatan ko ikaw tungod nga ginlipod nimo rondayang mga kamatuuran sa may mga tinun-an nga nagaeaom nga mga maaeam sanda, pero ginpahayag mo ra sa mga tawo nga mapainubuson ag naila magpaturo pareho it mga unga. Tama ring ginhimo ngaron, Ama. Ginhimo mo nga makaruyon ron dahil nakapalipay ron kimo.”

Juan 18:36

Nagsabat si Jesus, “Ro akon nga paghari hay bukon it pareho ku ana ku mga hari iya sa kalibutan. Bangod kon pareho kanda ro akong paghari hay sumukoe eon kunta it inaway ro akong mga sakop, agod indi ako ikaitugyan sa mga lider it mga Judio. Pero owa't-a sanda magsukoe dahil ro akon nga paghari hay owa nagasunod sa mga makaruyong patikang iya sa kalibutan.”

Mga Binuhatan 20:28

Ngani haeungi gid ro inyong kaugalingon pati ro tanan nga mga tumueuo nga inyong ginadumaeahan nga matsa panong it mga karnero nga gintugyan kinyo it Espirito Santo. Bantayi sanda it mayad ay ana sanda it Dyos, ay gintubos nana sanda paagi sa dugo mismo ku ana nga Unga.

Mga Binuhatan 20:29

Sayod ko nga paghalin nakon hay may maabot kinyo nga mga manogturo nga ro ginaturo hay saea gid. Kapareho sanda it mga mabangis nga sapat nga gasalakay nga owa it kaeuoy sa panong.

Mga TagaRoma 6:23

Sa kabilugan, ro nagapadayon sa pagpakasaea hay baeusan it kamatayon nga owa it katapusan nga pina pero ro mga may maeueot nga kaangtanan kay Kristo Jesus nga atong Ginuo hay regaluhan it Dyos it kabuhi nga owa't katapusan.

1 Corinto 1:21

Bangod maaeam gid ro Dyos, anang ginplano nga indi imaw makilaea it mga tawo paagi sa andang kaugalingon nga kaaeam kundi anang ginbuot nga maeuwas ro mga magatuo kay Kristo nga among ginawali sa Mayad nga Balita nga ginasinghan it tawo nga pinaumang.

Mga TagaFilipos 2:13

Mahimo ninyo ron dahil ro Dyos ro nagatao kinyo it kabubut-on ag ikasarang nga himuon ro makapalipay kana.

2 Tesalonica 1:11

Imaw ngani nga nagapangamuyo kami permi para kinyo. Ginapangabay namon sa aton nga Dyos nga buligan nana kamo nga magpangabuhi it bagay sa anang mga gintawag nga mangin anang mga balaan nga katawhan. Ag kabay pa nga paagi sa anang gahom hay maobra ninyo ro tanan nga kamaeayran nga gusto ninyong obrahon dahil sa inyong pagtuo.

2 Tesalonica 1:5

Ro inyong pagtiis sa mga paghingabot nga inyong ginaagyan dahil sa inyong pagtuo hay nagapamatuod nga tama ro desisyon it Dyos sa pagbilang kinyo sa ulihi nga bagay kamo nga itapoe sa anang mga sinakpan.

Mga Hebreo 12:28

Ngani dahil gintapoe nana kita sa ana nga ginharian nga indi maduea, dapat nga mapinasaeamaton kita permi kana ag paagi karon, simbahon naton imaw nga may pagtahod ag kataha. Ruyon ro pagsimba nga makapalipay kana.

Santiago 2:5

Pamati kamo, mga pinalangga ko nga igmanghod sa pagtuo! Bukon abi it abo sa mga pobre iya sa kalibutan hay ginpili it Dyos agod mangin manggaranon sa pagtuo kana? Ag bukon abi it itapoe sanda sa anang mga sinakpan ay duyon ro anang ginpromisa sa mga nagahigugma kana?

2 Pedro 1:11

ag grabi gid ro pag-abi-abi kinyo sa lugar kon siin kamo magaistar hasta sa owa it katapusan, kaibahan ku iba pa nga mga ginaharian it atong Ginuo ag Maneueuwas nga si Jesu-Kristo.

Pahayag 1:6

Ana kita nga gintapoe sa anang mga sinakpan ag ana kita nga ginhimo nga mga *saserdote nga nagaserbi sa anang Dyos ag Ama. Kabay pa nga dayawon si Jesus ag magahari imaw hasta sa owa it katapusan. Amen.

Pahayag 22:5

Owa eon it gabii idto ngani owa sanda nagakinahangean it iwag ukon hayag it adlaw man, dahil ro Ginuong Dyos ro andang pinakaiwag ag magahari sanda kaibahan nana hasta sa owa it katapusan.