Lucas 12:30 - Inkeanon

³⁰ dahil ro mga tawo eang nga iya sa kalibutan nga owa nagatuo sa Dyos ro nagahinimakas para sa mga butang ngaron. Pero kamo't-a hay sigurado nga ro inyong Ama sa eangit hay nakasayod nga kinahangean ninyo ro mga bagay ngaron.

Lucas 12:30 Iomraidhean Croise

Mateo 10:20

Ngani ro inyong ihambae hay bukon it halin sa inyong paino-ino eang kundi halin sa Espirito Santo it Dyos nga inyong Ama.

Mateo 18:14

Makaruyon man ro baeatyagon ku inyong Ama sa eangit. Owa gid imaw naila nga may maduea bisan sambilog sa mga mapainubuson ngara nga nagatuo kakon.”

Mateo 5:47

Hay ano gid abi kon ro inyo eang nga mga amigo ro inyong ginaabi-abi? Gaobra man ngani karon ro mga owa nagakilaea sa Dyos.

Mateo 6:1

Nagpadayon pa gid si Jesus it pagturo. Hambae nana, “Mag-andam gid kamo nga indi kamo magpakita-kita ku inyong pagkamatarong sa mga tawo agod dayawon nanda kamo. Kon makaruyon ro inyong ginaobra hay sigurado gid nga owa kamo it premyo nga mabaton halin sa inyong Ama sa eangit.

Mateo 6:32

dahil ro mga tawo eang iya sa kalibutan nga owa nagakilaea sa Dyos ro nagahinimakas para sa mga butang ngaron. Pero kamo't-a hay sigurado nga ro inyong Ama sa eangit hay nakasayod nga kinahangean ninyo ro mga bagay ngaron.

Mateo 6:8

Ayaw ninyo sanda pagtueara ay hasayran eon it inyong Ama ro inyong kinahangean bago pa kamo magpangayo kana.

Lucas 12:29

Ngani ayaw eon kamo magpinalitik ku inyong ueo ag ayaw it kinalisod kon ano ro inyong kan-on o imnon

Lucas 12:31

Imbis nga ruyon ro inyong pag-inisipon hay unaha ninyo eabi sa tanan ro pagpasakop permi sa paghari it Dyos sa inyong tagipusuon. Ana dayon kamo nga taw-an ku tanan ninyong kinahangeanon.”

Lucas 12:32

Naghambae pa gid si Jesus, “Ayaw kamo it kahadlok bisan sangkiri eang kamo ag owa it mahimo pareho it maisot nga panong it karnero tungod nalipay ro inyong Ama sa eangit nga itapoe kamo sa anang mga sinakpan.

Juan 20:17

Pero naghambae si Jesus, “Ayaw anay it binuyot kakon ay owa pa ako kabalik sa akong Ama. Adtuni anay ro akong mga kaigmanghuran ag sugiran sanda nga sa indi magbuhay hay gabalik eon ako sa akong Ama ag Dyos, nga inyo man nga Ama ag Dyos.”

Mga TagaEfeso 4:17

Ngani sa otoridad nga gintao kakon it Ginuo, ginasugo ko kamo nga indi eon ninyo paghimuon ro ginahimo ku mga owa nagakilaea sa Dyos, tungod ro andang ginapaino-ino hay owa it pueos.

1 Tesalonica 4:5

bukon it sa pagpagusto eang ku inyong kaueag, pareho sa ginaobra it mga tawo nga owa nagakilaea sa Dyos.