Lucas 12:22 - Inkeanon

²² Pagkatapos ku anang istorya, naghambae si Jesus sa anang mga sumueunod, “Ngani ginahambae ko kinyo nga ayaw kamo it palitik sa inyong kinahangeanon sa kabuhi, kon ano ro inyong kan-on o kon ano ro inyong isuksuk.

Lucas 12:22 Iomraidhean Croise

Lucas 12:11

Kon daehon kamo sa mga sinagoga agod imbistigaron ag kon ipaatubang kamo sa mga manogdumaea ag sa iba pa nga may otoridad sa banwa, ayaw kamo it palitik kon ano ro inyong ihambae o kon paalin ro inyong pagsabat sa mga nagaakusar kinyo.

Lucas 12:23

Ham-an? Tungod gintaw-an kamo it Dyos it kabuhi nga mas importanti pa kaysa sa pagkaon ag gintaw-an man nana kamo it eawas nga mas importanti pa kaysa sa eambong. Ngani sigurado gid nga taw-an man nana kamo ku inyong kinahangeanon.

Lucas 12:29

Ngani ayaw eon kamo magpinalitik ku inyong ueo ag ayaw it kinalisod kon ano ro inyong kan-on o imnon

1 Corinto 7:32

Gusto ko nga owa kamo it ginapalitikan. Ro mga tumueuo nga eaki nga owa it asawa hay makasentro ku andang isip sa pagtuman ku kabubut-on it Ginuo ag kon paalin nanda imaw mataw-an it kalipay.

Mga TagaFilipos 4:6

Maskin ano ro matabo, indi gid kamo magpinalitik ku inyong ueo kundi sa kada kahimtangan, magpangamuyo kamo ag magpangayo sa Dyos ku inyong mga kinahangean, ag permi man kamong magpasaeamat kana.

Mga Hebreo 13:5

Ayaw ninyo pagpakadyosa ro kwarta. Makuntento kamo kon ano ro inyo, dahil naghambae ro Dyos nga, “Indi ko gid kamo pag-aywanan ag indi ko gid kamo pagpabay-an.”