Lucas 12:21 - Inkeanon

²¹ Hambae dayon ni Jesus, “Makaruyon man ro matabo sa mga nagatinipon it manggad para sa andang kaugalingon pero pobre sa mata it Dyos.”

Lucas 12:21 Iomraidhean Croise

Lucas 12:33

Ngani baligyaan ro inyong pagkabutang ag itao sa mga pobre ro kabakeanan. Kon makaruyon ro inyong obrahon hay parehas man ron nga nagatinipon kamo it manggad sa eangit nga nakabutang sa sueudlan nga owa it pagkasamad. Ngani owa ron it pagkaduea ag owa it pagkaubos. Indi man ron hitakaw ag indi hisamad it sapat-sapat.

Lucas 16:11

Ngani kon indi kamo masaligan it manggad iya sa kalibutan nga indi masaligan ag indi magdurar, indi man kinyo ikasalig it Dyos ro minatuod nga manggad.

Lucas 6:24

“Makaeueuoy kamo nga mga manggaranon ay ro inyong ginaagyan nga matawhay ag bugana nga pagpangabuhi hay hasta eang iya sa kalibutan.

Mga TagaRoma 2:5

Pero gaalin kamo? Owa't-a kamo gahinuesoe ay mga matig-a kamo it ueo! Ngani ginadugangan pa gid ninyo ro inyong pina kon mag-abot eon ro adlaw it paghukom kon siin ipahayag it Dyos ro anang kaakig ag husgaran eon nana it matarong ro tanan nga tawo.

2 Corinto 6:10

May tyempo nga masubo kami pero permi man gakalipay bisan una sa kalisod. Mga pobre kami pero paagi kamon hay abo ro gamanggad it manggad nga indi maduea. Owa kami it manggad iya sa kalibutan pero amon man ro tanan nga manggad sa eangit nga ginpromisa it Dyos.

1 Timoteo 6:9

Pero ro mga nagahandom nga magmanggaranon hay madali matentar ag madali man hikisiw ku abo nga pinaumang ag peligroso nga buhat, ag ku mga maeain nga handom nga ro bunga hay kasamaran ag owa it katapusan nga pina sa impyerno.

Santiago 2:5

Pamati kamo, mga pinalangga ko nga igmanghod sa pagtuo! Bukon abi it abo sa mga pobre iya sa kalibutan hay ginpili it Dyos agod mangin manggaranon sa pagtuo kana? Ag bukon abi it itapoe sanda sa anang mga sinakpan ay duyon ro anang ginpromisa sa mga nagahigugma kana?

Pahayag 2:9

Hasayran ko nga ginapakalisdan kamo ag pobre kamo pero ro matuod hay abo ro inyong manggad sa eangit. Sayod man ako ku mga pagpakaeain kinyo ku mga *Judio nga nagaako nga mga katawhan sanda it Dyos, pero bukon ron it matuod ay mga sinakpan sanda ni Satanas.