Lucas 12:19 - Inkeanon

¹⁹ Tapos hay mahambae ako sa akong kaugalingon, “Abo eon ro imong tinago nga makasustinir kimo it abong dinag-on. Magpahalay-halay ka eon lang, magkinaon, mag-ininom ag magkinalipay.” ’

Lucas 12:19 Iomraidhean Croise

Lucas 12:18

Nag-inisip imaw ag pagkatapos, hambae nana, ‘A, husto! Makara ro akong obrahon. Waskon ko ro akong mga bodega ag mapatindog ako it mas daeagko. Idto ko dayon taguon tanan ro akong tubas ag ro iba pa nakong mga pagkabutang.

Lucas 16:19

Tapos, may gin-istorya pa gid si Jesus, “May sangka manggaranon nga ro anang suksuk hay puro manami ag maeahaeon. Kalipay eo't-a nana nga magpaponsyon adlaw-adlaw agod makita ro anang grabi nga kabuganaan.

Lucas 21:34

“Ngani mag-andam gid kamo sa sobra-sobrang pagkinalipay ag pagpinahilong, ag pagpinalitik it ueo parti sa tanan nga kinahangeanon sa pagpangabuhi, ay magapugong ron kinyo sa pagpahaom sa akong pagbalik, ag basi hiabut-abutan kamo ku adlaw ngaron nga gulping maabot pareho ku pagpisik it kisiw.

1 Corinto 15:32

Kon indi mabanhaw ro mga patay, ano ro akong maganar sa akong pag-inantos sa mga ginaobra ku mga tawo iya sa Efeso nga pareho it mabangis nga mga sapat sa andang pagkuntra kakon? Kon indi man lang gali mabanhaw ro mga patay hay tumanon lang naton ro haeambaeunon nga, “Mag-ininom kita, magkinaon, ag magkinasadya ay mamatay man kita hin-aga.”

Mga TagaFilipos 3:19

Pagapinahan gid sanda sa ulihi sa impyerno hasta sa owa it katapusan tungod ginapakadiyos nanda ro mga maeain nga handom ku andang eawas. Ginapabugae-bugae nanda ro mga dapat ikahuya ag ro anda eang nga ginapaino-ino permi hay ro mga maeain nga butang iya sa kalibutan.

1 Timoteo 5:6

Pero ro baeo nga bayi nga nagapinagusto it owa it hawid-hawid sa bisan ano nga anang nailaan, bisan buhi pa imaw hay patay eon ro anang espirituhanon nga kabuhi. Ayaw ninyo pagbuligi ro mga makaruyon ngaron.

1 Timoteo 6:17

Hambaei ro mga tumueuo inha nga manggaranon sa mga butang iya sa kalibutan, nga indi magpabugae ag indi magsalig sa anda nga manggad nga madali maduea. Sa Dyos 't-a dapat sanda magsalig ay imaw ro nagatao it bugana ku tanan nga mga butang agod mangin malipayon kita.

2 Timoteo 3:4

traidor, daso-daso, sobra it taas ro andang pagdumdum sa andang kaugalingon, ag mailaon it duro sa pagkinalipay imbis nga mahigugmaon sa Dyos.

Santiago 5:5

Nagapinagusto ag nagapinanami-nami kamo sa inyong kabuhi iya sa kalibutan. Nagatilinambok kamo sa inyong pagpinagusto ngaron pero pareho kamo it baka nga ginapatambok agod matansahon ay maabot ro adlaw nga pinahan kamo.

1 Pedro 4:3

Tama eon ro oras nga inyo nga gin-amulitan kato sa inyong kabuhi sa pag-intra sa mga maeain nga ginahimo ku mga owa nagakilaea sa Dyos. Ro inyong ginaobra kato hay owa ninyo ginahawid-hawiri ro inyong kaueag, ginapagustuhan ninyo ro inyong mga maeain nga handom, gahinilong, gahilinadya nga owa it pugong-pugong ag puro eang ininom ag inueag nga buhat, ag nagasimba sa mga diyos-diyos nga nagabunga it paghimo it mga bagay nga makangingil-ad.

Pahayag 18:7

Dapat nga pasamiton man imaw it grabi nga kasakit ag kasubo nga tupong sa anang pagkabugaeon, ag grabing pagpagusto sa anang luho. Sa isip abi nana, ‘Dahil sa akong gahom ag manggad hay matsa rayna man ako. Bisan hin-uno hay owa man ako it dapat nga kabaeak-an o kasubuan nga matsa baeo't-a ako’