Lucas 12:11 - Inkeanon

¹¹ Kon daehon kamo sa mga sinagoga agod imbistigaron ag kon ipaatubang kamo sa mga manogdumaea ag sa iba pa nga may otoridad sa banwa, ayaw kamo it palitik kon ano ro inyong ihambae o kon paalin ro inyong pagsabat sa mga nagaakusar kinyo.

Lucas 12:11 Iomraidhean Croise

Mateo 23:34

Ngani, ako mismo ro magapadaea kinyo it mga propeta, mga mangin-aeamon ag mga maestro it mensahi it Dyos. Pero patyon ninyo ro iba kanda paagi sa pageansang kanda sa krus. Inyo nga latiguhon ro iba kanda sa inyong mga sinagoga. Ro iba kanda hay inyong paeaason ag pagkatapos hay eagson ag hingabuton bisan siin sanda mag-adto.

Mateo 6:25

“Ngani ginahambae ko kinyo nga ayaw ninyo pagpalitiki it ueo ro inyong mga kinahangeanon sa kabuhi, kon ano ro inyong kan-on ag imnon o kon ano ro inyong isuksuk. Bukon abi it mas importanti pa kaysa sa pagkaon ro kabuhi nga gintao nana kinyo? Ag bukon abi it mas importanti pa kaysa sa eambong ro eawas nga gintao nana kinyo? Ngani sigurado gid nga taw-an man nana kamo ku inyong kinahangeanon.

Mateo 6:27

Ag isaea pa, sin-o iya kinyo ro makapaeawig ku anang kabuhi it bisan sang oras eang paagi sa pagpinalitik ku anang ueo?

Mateo 6:28

“Ham-an it nagapinalitik man kamo kon ano ro inyong isuksuk? Tan-awa tuo ninyo ro mga bueak sa taeon nga nagatubo ea't-a. Owa man ron sanda gapatueo it hueas o gaobra it eambong agod may isuksuk.

Mateo 6:31

“Ngani ayaw eon kamo magpinalitik ku inyong ueo kon ano ro inyong kan-on o imnon ukon isuksuk

Mateo 6:34

Ngani ayaw kamo magpinalitik kon ano ro inyong aeatubadngon hin-aga. Hin-aga lang ron atubadnga. Ro mga problema nga gaabot kada adlaw hay bastanti eon. Ayaw eon pagdugangi.”

Lucas 12:22

Pagkatapos ku anang istorya, naghambae si Jesus sa anang mga sumueunod, “Ngani ginahambae ko kinyo nga ayaw kamo it palitik sa inyong kinahangeanon sa kabuhi, kon ano ro inyong kan-on o kon ano ro inyong isuksuk.