Lucas 12:1 - Inkeanon

¹ Tag nagakatabo ra hay nagtililipon ro linibo nga mga tawo nga nagtaeapakan eon sanda sa andang kaabo. Naghambae anay si Jesus sa anang mga sumueunod, “Mag-andam gid kamo agod indi kamo matapnan ku pangpaalsa it tinapay ku mga Pariseo. Ro akong buot hambaeon hay ro andang pagkaipokrito.

Lucas 12:1 Iomraidhean Croise

Lucas 11:44

Makaeueuoy kamo nga mga Pariseo ay makangingidlis gid ro matabo kinyo sa ulihi! Pareho kamo it mga eueubngan nga owa it tanda ag ginatapak-tapakan eang it mga tawo ay owa sanda kasayod nga may nagakaeunot gali idto sa sueod.”

Lucas 12:56

Mga ipokrito gid 't-a kamo! Eaom ninyo hay maaeam gid kamo! Kaantigo kamo magtugma kon ano ro mangin tyempo sa inyo eang nga pagtan-aw sa eangit ag sa palibot pero indi kamo kaantigo mageubot kon ano ro kahueugan ku mga nagakaeanabo iya kinyo sa makaron nga tyempo.

Lucas 5:1

Isaeang adlaw, tag idto si Jesus nagatindog sa may baybayon ku Dagat it Genesaret, nagdaeaguso kana ro kaabo nga mga tawo agod magpamati it mensahi halin sa Dyos.

Lucas 5:15

Pero ro balita parti kay Jesus hay mas kapin nga nageapnaag ngani nag-adto kana ro kaabo nga tawo agod magpamati ag magpabueong.

Lucas 6:17

Pagkatapos, nagpanaog sa bukid sanday Jesus ag ro anang mga ginpili ngato. Bago sanda nakaabot sa ubos hay nagpundo anay sanda sa sangka lugar idto nga patag-patag. Nagatueumpok idto ro kaabo-abo nga iba pa nga mga sumueunod ni Jesus, pati man ro kaabo-abo nga mga tawo nga halin pa sa Judea, sa Jerusalem ag sa mga syudad it Tiro ag Sidon nga maeapit sa kadagatan.

Mga Binuhatan 21:20

Pagkabati kara ku mga manogdumaea ngato hay gindinayaw nanda ro Dyos. Naghambae dayon sanda kay Pablo, “Palangga namon nga igmanghod, sayod mo nga linibo nga mga kadugo natong mga Judio ro nagtuo kay Jesus ag tanan sanda hay pursigido gid sa pagtuman ku atong Kasuguan.

1 Corinto 15:3

Sa akong ginturo kinyo, nga ginturo man kakon, ro mga pinakaimportanti nga bagay hay raya: si Kristo hay namatay agod mapatawad ro atong mga saea suno sa nasueat sa Sagradong Kasueatan.

Mga Hebreo 12:22

Pero kita, ro aton ma't-a nga gindangpan hay ro Bukid it Zion kon tawgon, nga ruyon ro syudad ku buhi nga Dyos, ag ginatawag man nga ro Jerusalem nga idto sa eangit kon siin may linibo nga mga anghel nga nagakinasadya.

Santiago 3:17

Pero kon may kaaeam kita nga halin sa Dyos, una sa tanan hay nagapangabuhi kita it malimpyo, mayad kita makibagay, maeueo, maeumo hambaeon, maeueuy-on permi, perming nagaobra it mayad sa atong isigkatawo, paearehas ro aton nga pagtratar sa tanan nga tawo, ag owa kita nagapakuno-kuno.

1 Pedro 2:1

Ngani tungod may inyo eon nga bag-ong kabuhi, talikdi eon ninyo ro tanan nga kaeainan. Ayaw kamo it pangluko. Ayaw kamo it inipokrito, ayaw kamo it kahisa, ag ayaw man ninyo pagpakaeaina ro inyong isigkatawo.