Lucas 11:9 - Inkeanon

⁹ “Ngani ginahambae ko kinyo nga magpangayo kamo permi sa Dyos ku inyong kinahangeanon ag itao nana ron kinyo. Usuya ninyo permi kon ano ro inyong kinawaea ag buligan kamo nana nga makita ron. Panuktok kamo permi sa anang pwertahan ag buksan nana ron para kinyo.

Lucas 11:9 Iomraidhean Croise

Mateo 21:22

Bisan ano ro inyong pangayuon sa Dyos kon magpangamuyo kamo hay mabaton ron ninyo basta nagasalig gid kamo kana.”

Mateo 21:31

Siin sa daywa ngato nga ka unga ro nagsunod sa gusto ku andang ama?” “Ro kamagueangan,” sabat nanda. Nagsabat si Jesus, “Tama. Matuod rang ginahambae kinyo nga ro mga madaya nga mga *manogsukot it buhis ag ro mga bayi nga nagabaligya ku andang kaugalingon hay nagauna pa kinyo nga mangin sinakpan it Dyos.

Mateo 6:29

Pero ginahambae ko kinyo nga bisan ngani si Haring Solomon sa kaabuon ku anang manggad hay owa pa gid nakasuksuk it eambong nga makaruyon it nami sa mga bueak.

Marcos 11:24

Ngani, ginahambae ko kinyo nga kon magpangamuyo kamo ag magpangayo it bisan ano, patihi gid it hugot nga mabaton ninyo ron nga matsa habaton eo't-a ninyo, ag mabaton gid matuod ninyo ron.

Marcos 13:37

Ngani ginahambae ko gid kinyo ag pati man sa tanan nga mangin alisto gid kamo.”

Lucas 11:10

Dahil ro tanan nga nagapangayo hay makabaton, ro tanan nga nagausoy hay makakita ag ro tanan nga nagapanagbalay hay pagabuksan.

Juan 14:13

Ag bisan ano ro inyong pangayuon bilang mga sumueunod nakon hay himuon ko, agod dayawon ro Ama paagi kakon nga anang Unga.

Juan 15:16

Bukon it kamo ro nagpili kakon kundi ako't-a ro nagpili ag nagbutang kinyo sa oeobrahon it pagpanaw ag pagturo parti kakon, agod magtuo man ro ibang tawo kakon. Ro bunga ku inyong pagkabudlay ngaron hay magapadayon bisan hasta hin-uno. Ag dahil karon hay taw-an kamo ku Ama it bisan ano nga inyong pangayuon sa akon nga ngaean.

Juan 15:7

Pero kon nagapadayon kamo sa inyong maeueot nga kaangtanan kakon ag padayon nga nakatanom sa inyong paino-ino ro akong hambae, pangayo kamo sa Ama it bisan ano nga inyong gusto, ag itao ron nana kinyo.

Juan 4:10

Nagsabat si Jesus, “Kon hasayran mo eang kunta kon mauno ro regalo nga gustong itao kimo it Dyos, ag kon sayod ka kunta kon sin-o ako nga nagapangayo kimo it tubi hay ikaw 't-a ro mangayo kakon ag ro akong itao kimo hay tubi nga nagatao it kabuhi nga owa't katapusan.”

Mga TagaRoma 2:7

Taw-an nana it kabuhi nga owa't katapusan ro nagapadayon nga nagahimo it mayad ay nagapaabot gid sanda nga padunggan ag itapoe sa kanami-nami nga kahimtangan nga owa it katapusan idto sa eangit.

2 Corinto 6:2

Dumduma ninyo ro nasueat sa Sagrado nga Kasueatan nga ginhambae it Dyos, “Sa tama nga oras nga akong ginplano hay ginpamatian ko ro inyong pangamuyo ag sa raya nga oras nga posible eon maeuwas ro tawo hay ginbuligan ko kamo.” Pamati kamo! Raya ro tama nga oras nga posible eon nga maeuwas ro tawo.

Mga Hebreo 11:6

Kon owa it pagtuo ro sangka tawo hay imposible nga mapalipay nana ro Dyos. Ro bisan sin-o abi nga nagadangop sa Dyos hay dapat magpati nga may Dyos gid ag nagatuo nga sa mga nagausoy it paagi nga makilaea imaw hay ana sanda nga premyuhan kon ano ro andang ginausoy.

Mga Hebreo 4:16

Ngani dahil ginarepresentar kita ni Jesus sa Dyos nga mabuot nga mayad, magdangop kita sa Dyos nga may kaisog it buot agod kaeuy-an ag buligan nana kita sa oras it aton nga pagkinahangean.

Santiago 1:5

Pero mahimo eang ninyo ron paagi sa bulig it kaaeam nga halin sa Dyos. Ngani kon may una kinyo nga kueang it kaaeam ngaron hay pangayo kamo sa Dyos ag taw-an nana kamo. Ro Dyos abi hay nagatao nga owa it hawid-hawid sa tanan nga nagapangayo kana ag owa it kaibahan nga pangisog.

Santiago 5:15

Ag paagi sa andang pangamuyo nga may pagsalig sa Dyos hay magamayad ro nagamasakit ag ibalik it Ginuo ro anang kusog. Ag kon halimbawa nga may haobra imaw nga saea nga ginhalinan ku anang masakit ngaron hay patawaron imaw.

1 Juan 3:22

Ag bisan ano ro aton nga ginapangayo kana hay aton nga mabaton, tungod ginatuman naton ro anang kasuguan ag ginahimo naton ro makapalipay kana.

Pahayag 2:24

“ ‘Pero ro iba inha kinyo sa Tiatira hay owa nagasunod sa rayang maeain nga ginaturo, ag owa kasayod ku ginatawag ku mga tawo nga mga madaeom kuno nga ginaturo halin kay Satanas. Ngani indi ko eon pagdugangan ro akong mga sugo kinyo.