Lucas 11:7 - Inkeanon

⁷ Masabat man ro anang amigo nga idto sa sueod it baeay, ‘ayaw eon abi mana ako pag-isturbuha, mig. Nakapanarangka eon abi mana kami. Ag isaea pa hay hibugtaw 't-a mana rang mga unga kon bumangon pa ako ag taw-an ta ku ing kinahangean. Malisod eo't-a mana ron.’

Lucas 11:7 Iomraidhean Croise

Mateo 25:10

Nagpanaw ro lima ngato agod magbakae it eana. Samtang nagabakae sanda hay nag-abot ro nobyo. Ro lima ngato nga haom hay nagmunot sa nobyo paadto sa ponsyon. Ag pagkasueod nanda hay ginsadhan ro pwertahan.

Lucas 11:6

Nag-abot abi mana ro akong amigo sa baeay. Kaeayo pa't-a mana ro anang ginhalinan ag owa gid ako it idat-on kana.

Lucas 11:8

Ginahambae ko kinyo nga mabangon eon lang ro tagbaeay ngato ag taw-an ro anang amigo ku tanan nanang kinahangean bukon it dahil nga mag-amigo sanda kundi dahil sa pagkapilitaryo ku anang amigo ngato.

Lucas 13:25

kon makapanirado eo't-a ro tagbaeay. Hibinlan lang kamo sa liwan it pwertahan nga gapinanuktok ag gahinambae, ‘Ginuo, buksi kami.’ Pero sabton na kamo, ‘Owa ko gid kamo pagkilan-a nga akong mga katawhan ag bisan ro inyong ginhalinan!’

Lucas 7:6

Ngani nagmunot kanda si Jesus. Tag maeapit lang sanday Jesus sa baeay, may ginsugo nga mga amigo ro kapitan nga magtabo kana. Hambae nanda kay Jesus, “Ginuo, ginapahambae ni kapitan nga ayaw eon mana mag-awat pa it adto sa amon ay bukon mana ako it takos nga magbaton kimo sa among baeay.

Mga TagaGalacia 6:17

Iya sa akong eawas ro mga inueatan ku mga pagbakoe kakon dahil sa akong pagturo ku mensahi nga ginsalig kakon ni Jesus. Ngani umpisa makaron, ayaw eon ninyo ako pagpaproblemaha sa inyong pagpati it saea nga mga ginaturo ngaron.