Lucas 11:49 - Inkeanon

⁴⁹ Raya ro ginhambae ku maaeam nga Dyos parti kinyo: ‘Paadtunan ko sanda sa mga propeta ag mga apostoles. Pamatyon nanda ro iba sa akong mga paadtunon ag hingabuton ro iba.’

Lucas 11:49 Iomraidhean Croise

Mateo 22:6

Ginpuko ma't-a ku iba ro mga sueuguon ngato ag andang ginpakahuy-an ag ginpatay.

Lucas 11:48

Ngani gapakilaea nga ginakunsinti man ninyo ro andang gin-obra sa mga propeta tungod sanda ro nagpatay sa mga propeta ag kamo ro nagapanami ku andang eueubngan.

Lucas 24:47

Ag nasueat man nga sa anang pangaean hay igawali sa tanan nga tawo, umpisa iya sa Jerusalem hasta sa bilog nga kalibutan, nga dapat sanda nga maghinuesoe ag magtalikod sa andang mga saea agod patawaron it Dyos.

Juan 16:2

Indi eon nanda kamo pagpasudlon sa sinagoga, ag ro mas grabi pa hay maabot ro oras nga eaom ku mga magapatay kinyo nga ro andang ginaobra hay mayad nga buhat nga ihaead sa Dyos sa pagsimba kana.

Mga Binuhatan 1:8

Pero ro inyo't-a nga dapat masayran hay makabaton kamo it gahom kon magkunsad eon kinyo ro Espirito Santo. Ag paagi sa anang gahom hay magapamatuod kamo parti kakon iya sa Jerusalem, sa tanan nga lugar iya sa probinsya it Judea, sa Samaria ag pati sa pinakamaeayo nga mga lugar sa kalibutan.”

Mga Binuhatan 11:27

Ku rato man nga tyempo, may mga propeta halin sa Jerusalem nga nag-abot sa Antioc.

Mga Binuhatan 22:20

Tag ginapatay si Esteban nga nagwali parti kimo hay idto man ako, ag nagakompormi gid ako sa pagpatay kana. Ako pa ngani ro nagbantay ku mga pangsanib ku mga nagpatay kana.’

Mga Binuhatan 7:57

Nagsilinggit it mabaskog ro mga myembro it *Sanedrin ag ginpangtakpan nanda ro andang dueunggan agod indi nanda mabatian ro ginahambae ni Esteban. Dinaeagan dayon nanda imaw tanan ag pinuko.

1 Corinto 1:24

Pero sa mga tinawag it Dyos nga mangin anang mga katawhan, bisan Judio man o bukon hay sayod nanda nga ro pageansang kay Kristo sa krus hay nagapakita ku gahom ag kaaeam it Dyos kon paalin maeuwas ro tawo.

1 Corinto 1:30

Pero kamo't-a hay mga katawhan nana nga may maeueot nga kaangtanan kay Kristo Jesus. Paagi kay Kristo Jesus hay nasayran naton nga imaw mismo ro matuod nga kaaeam halin sa Dyos. Ag paagi man kana hay nangin matarong kita sa panueok it Dyos, nangin ana kita nga mga balaan nga katawhan ag naeuwas eon kita sa pina ku atong mga saea.

Mga TagaEfeso 4:11

Ag imaw man ro nagtao sa tanan nanang katawhan it mga tawo nga may sari-saring abilidad. Ro iba kanda hay mga apostoles, ro iba hay mga propeta, ro iba hay mga manogwali nga nagaadto sa ibang lugar agod magsugid ku Mayad nga Balita, ag ro iba ma't-a hay mga pastor nga gadipara ku mga tumueuo ag gaturo man kanda.

Mga TagaColosas 2:3

Si Kristo eang ro makatao katon it kaaeam nga maeubtan ro mensahi halin sa Dyos nga pareho it maeahaeon nga manggad.

Pahayag 16:6

Ro imo ngarang mga ginapinahan hay ro mga nag-uea ku dugo ku imong mga katawhan ag ku imong mga propeta. Ngani ginapainom mo sanda it dugo ag bagay eang sanda nga baeusan it makaruyon.”

Pahayag 18:20

Magkalipay kamo tanan nga inha sa eangit, kamo nga mga apostoles ag mga propeta it Dyos, ag kamo nga anang katawhan, dahil ginpinahan nana ruyon nga syudad ag duyon ro baeos sa anang mga maeain nga gin-obra kinyo.