Lucas 11:41 - Inkeanon

⁴¹ Dapat ninyo nga limpyuhan ro maeain nga una sa inyong kabubut-on ag magtao kamo sa mga imoe nga owa ginamunti it inyong buot. Bukon eang dayon it ro inyong mga buhat nga makita ro mangin limpyo sa mata it Dyos kundi pati ro inyong kabubut-on.

Lucas 11:41 Iomraidhean Croise

Mateo 26:11

Ro mga pobre hay kaibahan 't-a ninyo permi pero ako hay indi ninyo mangin kaibahan permi.

Mateo 5:42

Kon may gapangayo kimo, taw-i. Kon may gahueam kimo, pahueama, ayaw pagbalibari.”

Marcos 7:19

Tungod gasueod eang ra sa anang tiyan ag gaguwa man dayon, owa ra nagasueod sa anang tagipusuon.” (Ro buot hambaeon kara hay puyding makaon ro tanan nga klasi it pagkaon.)

Lucas 12:33

Ngani baligyaan ro inyong pagkabutang ag itao sa mga pobre ro kabakeanan. Kon makaruyon ro inyong obrahon hay parehas man ron nga nagatinipon kamo it manggad sa eangit nga nakabutang sa sueudlan nga owa it pagkasamad. Ngani owa ron it pagkaduea ag owa it pagkaubos. Indi man ron hitakaw ag indi hisamad it sapat-sapat.

Lucas 16:9

Ro manggad iya sa kalibutan hay indi masaligan ag indi man magdurar. Pero ginahambae ko kinyo nga gamita ninyo ron sa pagpangamigo agod kon magtaliwan eon kamo sa kalibutan ag owa eon gakinahangean ku mga ruyon ngaron hay pagasueang-sueangon kamo ku mga amigo ninyo ngato sa lugar kon siin magaililiba kamo hasta sa owa it katapusan.

Lucas 18:22

Pagkabati kara ni Jesus, ginhambae nana ro manogdumaea, “Sambilog pa gid ro dapat nimong obrahon. Baligyaan tanan ro imong pagkabutang ag ipanueupod sa mga pobre ro kabakeanan, ag may imo dayon nga manggad idto sa eangit. Pagkatapos hay bumalik ka agod mangin sumueunod nakon.”

Lucas 19:8

Kat idto eon sanda sa baeay ni Zakeus, nagtindog imaw ag naghambae sa Ginuo, “Umpisa makaron, Ginuo, ipanao ko sa mga pobre ro katunga ku akon nga manggad. Ag sa akong mga ginluko hay iuli ko kanda ro akong habuoe it ap-at nga pilo.”

Mga Binuhatan 10:15

Nagsabat kana it uman ratong limog, “Ayaw pagbilanga nga mahigko ro ginlimpyuhan eon it Dyos.”

Mga Binuhatan 11:29

Ngani ro mga sumueunod idto sa Antioc hay nagdesidir nga ro kada isaea kanda hay magtao ku anang masarangan nga ikabulig sa mga kaigmanghuran nga idto nagaistar sa Judea.

Mga Binuhatan 24:17

“Imaw pa eang ngani ako ngara nagbalik sa Jerusalem halin ku pilang dag-on ku paghalin ko idto kato. Nagbalik ako ngara agod maghatod it kwarta nga inogbulig sa akong mga kadugo ag maghaead sa Templo.

2 Corinto 8:12

Kon magtao kita suno sa atong masarangan hay nalipay ro Dyos karon basta nagatao kita dahil nga gusto gid naton ron nga himuon. Owa ma't-a ro Dyos nagapaabot it indi naton masarangan.

Mga TagaEfeso 4:28

Kon may una kinyo nga manakaw hay indi eon imaw magpanakaw kundi maghugod imaw sa pagpangita sa matarong nga paagi agod makabulig man imaw sa mga pobre.

Tito 1:15

Sa mga tawo nga ginlimpyuhan eon sa andang kasae-anan, ro tanan nga gintuga it Dyos hay malimpyo. Pero sa mga tawo nga mahigko, nga owa pa halimpyuhi sa andang kasae-anan tungod owa pa sanda nagatuo ag nagasalig kay Jesus eang, ro tanan hay mahigko. Owa eon sa tama ro andang paino-ino ag konsensya.

Mga Hebreo 13:16

Ayaw ninyo pagkalipati ro paghimo it mayad ag pagtao it hueay ku inyong mga pagkabutang sa mga nagakinahangean, dahil nalipay ro Dyos sa makaruyon nga mga haead.

Mga Hebreo 6:10

Matarong abi ro Dyos ag indi nana paglipatan ro inyong mayad nga binuhatan ag ro inyo nga pagpakita ku inyong paghigugma kana paagi sa inyong padayon nga pagserbi sa katawhan it Dyos.

Santiago 1:27

Ro pagkarelihiyoso nga limpyo ag owa it ikasaway sa mata it Dyos nga Ama hay makaraya: nagabulig sa mga ilo ag sa mga baeo nga nagakalisod ag nagaandam man nga indi matapnan it mga maeain nga batasan sa kalibutan.