Lucas 11:36 - Inkeanon

³⁶ Pero kon ro bilog nimo nga pagkabuhi hay nahayagan it mayad ag owa it bisan sangkiri nga kadueom hay mahayagan it husto ro imong paino-ino pareho it tawo nga ginaiwagan it kahayag-hayag nga iwag.”

Lucas 11:36 Iomraidhean Croise

Mateo 13:52

Naghambae dayon si Jesus, “Kon mawron hay haeubtan ninyo nga ro kada maestro it Kasuguan nga nangin akon eon nga sumueunod ag gintapoe eon sa mga sinakpan it Dyos hay pareho it manggaranon nga tagbaeay nga may kaabong maeahaeon nga kagamitan nga mga bag-o ag mga daan man.”

Mateo 5:15

Owa it nagasindi it lampara ag ana ra dayon nga takeuban it paniga, kundi ana ra nga ginabutang sa tueungtungan agod mahayagan ro tanan sa sueod it kwarto.

Lucas 11:35

Ngani mag-andam gid kamo ay basi eaom ninyo hay kahayag eon ro inyong ginasunod pero kadueom 't-a gali.

Lucas 11:37

Pagkatapos ni Jesus it hambae, may sangka Pariseo nga nagkangay kana nga magkaon sa andang baeay. Nagmunot si Jesus ag pag-abot idto hay sumaylo imaw sa lamisa agod magkaon.

2 Corinto 4:6

Ginahimo namon ra dahil ro Dyos nga naghambae nga maghayag eon tag madueom pa't-a ro kalibutan hay imaw man ro nagpahayag sa among kaisipan agod maeubtan namon nga una kay Jesu-Kristo ro pagkadaeayawon it Dyos.

Mga TagaEfeso 4:14

Kon mangin makaruyon eon kita hay bukon eon dayon kita it pareho ku mga unga nga owa't buot. Ro mga unga abi nga owa't buot hay madali hipapati sa sari-sari nga mga ginaturo ku mga tuso ag manogluko, ag pareho sanda it baroto sa eawod nga nagasunod-sunod eang sa humbak ag ginaapok-apok it hangin.

Mga TagaColosas 3:16

Itanom gid ninyo sa inyong paino-ino ro Mayad nga Balita parti kay Kristo. Gamita ro kaaeam nga gintao kinyo sa pagturo ag sa pageaygay sa kada isaea. Magkanta kamo it mga salmo ag mga sari-saring mga kaeantahon sa pagdayaw sa Dyos nga may hantop nga pagpasaeamat sa inyong tagipusuon.

Mga Hebreo 5:14

Pero ro mga tumueuo nga ikakompara sa mga may buot eon nga makakaon it matig-a hay ruyon ro mga hamtong eon sa pagtuo. Kaantigo eon sanda magtimbang-timbang kon ano ro mayad o maeain ay ginhanas sanda dikaron.

Santiago 1:25

Pero ro tawo nga nagausisa it mayad sa perpekto nga mensahi it Dyos nga nagahilway sa tawo ag nagatuman karon hay pakamaayuhon it Dyos sa anang ginaobra. Pakamaayuhon imaw dahil owa eang imaw nagapamati ag tapos lipatan man dayon kundi padayon imaw nga nagatuman.

2 Pedro 3:18

Padayuna ninyo ro pagkabuhi nga nagapalipay sa Dyos agod masamitan pa gid ninyo ro anang pagpakamaayo ag tinguhaa ninyo nga magdaeom pa gid ro inyong pagkakilaea sa atong Ginuo ag Maneueuwas nga si Jesu-Kristo. Dapat nga dayawon imaw halin makaron hasta sa owa it katapusan. Amen.