Lucas 11:34 - Inkeanon

³⁴ Ro imong mata hay kaparis it lampara nga nagatao it kahayag kimo. Mawron nga kon owa it diperensya ro imong mata, mahayagan gid ro imong bilog nga eawas. Pero kon madueom ro imong panueok, apektado man ro imong bilog nga eawas.

Lucas 11:34 Iomraidhean Croise

Marcos 4:12

agod ‘Bisan gatinueok sanda hay indi sanda kaeubot ku kahueugan it andang hakita, ag bisan gapinamati sanda hay indi man gihapon sanda kaeubot. Gintugot nga makaraya ra agod indi sanda makatalikod sa andang kasae-anan agod mapatawad it Dyos.’ ”

Marcos 7:22

pagpangawatan, paghinangoe, pagdumot, pagpangluko, owa it hawid-hawid nga pangueag, pagkamahisa, pagpakaeain sa anang isigkatawo, pagkabugaeon, ag pagpadungoe.

Marcos 8:18

May inyong mga mata hay ham-an it indi kamo kakita? May inyo man nga mga dueunggan hay ham-an it indi kamo kabati? Hadumduman baea ninyo

Lucas 11:35

Ngani mag-andam gid kamo ay basi eaom ninyo hay kahayag eon ro inyong ginasunod pero kadueom 't-a gali.

Mga Binuhatan 13:11

Pinahan ka makaron it Ginuo. Mabulag ka it mabuhay-buhay ag bisan tumangda ka pa sa adlaw hay indi mo gid ron hikita.” Insigida hay nagsaeom ro panueok ni Elimas hasta nga nagdueom eon gid ag nagpangapkap imaw it gaguyod kana.

Mga Binuhatan 2:46

Adlaw-adlaw hay nagatililipon sanda nga may paghiliugyon sa *lagwirta it Templo ag nagasaeo man sanda sa pagkaon sa mga pamaeay nga may pagpaubos ag kalipay sa andang tagipusuon.

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

2 Corinto 1:12

Ikapabugae namon nga limpyo ro among konsensya parti sa among pagginawi iya sa kalibutan ag eabi gid inha kinyo. Sa among pagturo kinyo, owa kami nagsalig sa among tawhanon nga kaaeam kundi sa bulig it Dyos ag paagi sa anang bulig ngara hay sinsiro kami ag owa it motibo nga maeain.

2 Corinto 11:3

Nahadlok ako nga dahil sa inyong pagpati sa pinuril hay basi talikdan ninyo ro inyong sinsiro ag putli nga paghigugma ag pagtuo kay Kristo. Pareho eon dayon kamo kay Eva kato nga hapataeang ku katuso it sawa.

2 Corinto 4:4

Ro andang paino-ino hay ginapadueom ni Satanas nga nagapadiyos-diyos sa rayang tyempo. Mawron nga indi sanda mahayagan it Mayad nga Balita nga nagasugid ku pagkadaeayawon ni Kristo nga imaw ro nagapakita kon mauno gid ro Dyos.

Mga TagaEfeso 1:17

sa Dyos ku atong Ginuong Jesu-Kristo, ro daeayawon nga Ama, nga taw-an nana kamo it kaaeam nga halin sa Espirito Santo nga magapasayod kinyo ku kamatuuran parti sa Dyos agod makilaea ninyo imaw it mayad.

Mga TagaEfeso 6:5

Mga ulipon, tumana ro inyong mga amo iya sa kalibutan nga may kahadlok ag pagtaha kanda. Tumana it hantop sa inyong tagipusuon ro andang ginasugo kinyo pareho ku inyong pagtuman kon si Kristo eon ro nagasugo kinyo.

Mga TagaColosas 3:22

Mga ulipon, tumana ro tanan nga ginasugo kinyo ku inyong mga amo iya sa kalibutan. Tumana sanda nga hantop sa inyong tagipusuon dahil sa inyong pagtaha sa Ginuo, bukon it nagatuman eang kamo kon nagatan-aw sanda agod anda kamo nga dayawon.