Lucas 11:32 - Inkeanon

³² Pag-abot ku adlaw it paghukom, magaatubang sa hukom ro mga tagaNineve kaibahan ku mga tawo makaron nga tyempo ag magahambae sanda nga dapat kamo pinahan. Ham-an? Dahil nagtalikod ngani sanda sa andang mga saea pagwali ni Jonas pero kamo hay owa gid nagatalikod sa inyong mga saea maskin may mas pa kay Jonas iya kinyo.”

Lucas 11:32 Iomraidhean Croise

Mateo 12:39

Pero nagsabat si Jesus, “Ro mga tawo makaron nga tyempo hay mga maeain it kabubut-on tungod nagtalikod sanda sa Dyos. Gapangayo sanda kakon it milagroso nga pamatuod kon sin-o gid ako, pero owa it ipakita kanda kundi ro pareho ku natabo kay Propeta Jonas kato anay.

Mateo 12:41

Pag-abot ku adlaw it paghukom, magaatubang sa hukom ro mga tagaNineve kaibahan ku mga tawo makaron nga tyempo, ag magahambae sanda nga dapat kamo pinahan. Ham-an? Dahil nagtalikod ngani sanda sa andang mga saea pagwali ni Jonas pero kamo hay owa gid nagatalikod sa inyong mga saea maskin may mas pa kay Jonas iya kinyo.

Lucas 11:31

Pag-abot it adlaw it paghukom, ro rayna it Seba hay magatindog ag magahambae nga dapat eang nga pinahan ro mga tawo sa tyempo ngara tungod imaw ngani hay nagbiyahe halin pa sa kaeayo-eayo nga lugar agod eang magpamati sa pagturo ku maaeam nga hari nga si Solomon. Pero may mas pa kay Solomon iya kinyo ugaling hay owa gid kamo nagainato sa anang ginaturo.

Mga Hebreo 7:26

Si Jesus ro Pinakapinuno nga Saserdote nga insakto gid sa atong kinahangean. Balaan imaw, owa gid imaw it kasawayan ag owa gid imaw it saea nga makapahigko kana sa panueok it Dyos. Eain gid imaw katon nga mga tawo ay makasasaea't-a kita pero imaw hay bukon. Idto eon imaw sa eangit ag gintaw-an eon it kadungganan nga eabaw sa tanan nga idto.