Lucas 11:29 - Inkeanon

²⁹ Tag nagainabo pa gid ro mga tawo, naghambae si Jesus, “Ro mga tawo makaron nga tyempo hay mga maeain it kabubut-on. Ginausuyan nanda ako it milagroso nga pamatuod nga pinadaea ako it Dyos pero owa it ipakita kanda kundi ro pareho ku natabo kay Propeta Jonas kato anay.

Lucas 11:29 Iomraidhean Croise

Mateo 3:7

Abo man nga mga *Pariseo ag mga *Saduceo ro nag-adto kay Juan agod magpabawtismo. Pagkakita kanda ni Juan hay ginhambaean nana sanda, “Mga tuso gid-a kamo pareho it sawa! Eaom baea ninyo hay makalikaw kamo sa pina it Dyos paagi sa inyong pagpabawtismo?

Marcos 8:38

Sa rayang tyempo, ro mga tawo hay masyadong maeain ag nagtalikod sanda kakon parehas it mga asawa nga nagapangawatan. Kon ikahuya ninyo ako ag isikway ro akong ginaturo, isikway ko man kamo kon magbalik ako nga Unga it Tawo. Sa akon nga pagbalik iya sa kalibutan hay may akon nga grabi nga kasilaw ku akon nga Ama ag may kaibahan ako nga balaan nga mga anghel.”

Lucas 11:16

Gusto ku iba kanda nga testingan si Jesus ngani ginapaobra kunta nanda imaw it milagro sa kaeangitan bilang pamatuod nga pinadaea imaw it Dyos.

Lucas 11:50

Ngani ro mga tawo makaron nga tyempo ro manabat ku kamatayon it tanan nga propeta halin ku pagtuga ku kalibutan,

Lucas 12:1

Tag nagakatabo ra hay nagtililipon ro linibo nga mga tawo nga nagtaeapakan eon sanda sa andang kaabo. Naghambae anay si Jesus sa anang mga sumueunod, “Mag-andam gid kamo agod indi kamo matapnan ku pangpaalsa it tinapay ku mga Pariseo. Ro akong buot hambaeon hay ro andang pagkaipokrito.

Lucas 9:41

Naghambae si Jesus, “Abi gid-a ro mga tawo ngara makaron. Owa pa't-a gihapon kamo nagatuo kakon ag mga balingahag gid-a kamo it paino-ino! Hasta hin-uno pa't-a ako mag-iba kinyo bago kamo magtuo kakon? Hasta hin-uno pa't-a ako magtiniis kinyo?” Ginhambae dayon nana ro tatay ku unga, “Abi, daeha ro imong unga iya kakon.”

Juan 2:18

Tungod sa ginhimo ngato ni Jesus idto sa Templo hay gintaksar imaw it mga manogdumaea it mga Judio. Hambae nanda, “Ano nga milagro ro imong ipakita kamon agod magapamatuod nga may otoridad ka nga himuon ro ing ginhimo ngara?”

Juan 6:30

Pinangutana nanda dayon imaw, “Hay ano nga milagrosong pamatuod ro imong ipakita kamon agod magtuo kami kimo? Maalin ka man

Juan 8:44

Si Satanas ro inyong ama, ngani naila kamo magtuman sa anang gusto. Halin pa ku umpisa hay manogpatay eon imaw ag ginakaugtan nana ro kamatuuran, ay maeayo ro kamatuuran sa anang kabubut-on. Kon gapinuril ngani imaw hay suno gid-a ron sa anang kinaiya, ay purilon imaw ag imaw man ro ginahalinan it tanan nga kapurilan.

1 Corinto 1:22

Duyon sinanda ron ay kon sa mga *Judio hay mapati eang sanda nga matuod ro ginaturo kon may hikita sanda nga milagrosong pamatuod. Ro mga Griyego ma't-a hay mapati eang man sanda sa bisan ano nga ginaturo kon madaeom ra nga pilosopiya ay kon kanda hay ruyon ea't-a ro matuod nga kaaeam.