Lucas 11:24 - Inkeanon

²⁴ Naghambae pa si Jesus kanda, “Kon magguwa ro maeain nga espirito sa sangka tawo hay nagawarang ra sa *disyerto nga owa it tubi ag nagausoy idto it mapahuwayan. Ag kon owa imaw it hikita hay mahambae imaw sa anang kaugalingon, ‘Mabalik eon lang ako sa akon anay nga ginhalinan nga tawo.’

Lucas 11:24 Iomraidhean Croise

Marcos 5:10

Nagpinakitluoy gid imaw kay Jesus nga indi sanda pagsubueon sa ratong lugar.

Marcos 9:25

Pagkapan-o ni Jesus nga mas kaabo pa gid nga mga tawo ro nagdaeaeagan paadto kanda hay ginsugo nana ro maeain nga espirito, “Maeain nga espirito nga nagapa-apa ag nagapabungoe, magguwa ka sa unga! Ag ayaw eon it balik-balik!”

Lucas 11:25

Pagbalik nana, hiabutan nana nga ro anang gin-guwaan nga tawo hay pareho it baeay nga malimpyo eon ag ginpanami.

Mga TagaEfeso 2:2

Makaruyon anay kamo kato, ay nagasunod pa kamo sa maeain nga batasan ku mga tawo iya sa kalibutan. Ro inyong pagsunod ngaron hay pagsunod man sa pinuno it tanan nga maeain nga espirito nga nagagahom sa kahanginan, ag imaw man ro espirito nga nagatueod sa mga owa nagatuman sa Dyos nga magkasaea.

1 Pedro 5:8

Pugngi ro inyong kaugalingon ag mangin alisto permi ay ro inyong kaaway nga si Satanas hay pareho it naganginueob nga liyon nga nagalinibot ag nagainusoy it anang maeapa-eapa.