Lucas 11:22 - Inkeanon

²² Pero kon gubaton imaw it mas makusog pa kana ag maperdi imaw, agawon dayon kana ro anang armas nga anang ginasaligan nga makadepensa kana. Pagkatapos hay pangeuguson dayon kana ro anang mga pagkabutang ag ipanueupod ku nageugos ngato sa anang mga kaibahan.

Lucas 11:22 Iomraidhean Croise

Lucas 11:21

Hambae pa ni Jesus, “Indi hitakaw ro pagkabutang it sangka makusog nga tagbaeay kon una imaw gabantay ag armado gid.

Lucas 11:23

“Ro owa nagaapin kakon hay nagakuntra kakon. Ro owa nagabulig kakon sa pagtipon ku mga tawo hay nagapatapeaag kanda paeayo kakon.”

Mga TagaEfeso 6:11

Pareho it soldado nga nagasuksuk ku tanan nga kagamitan nana kon mag-adto sa gira, gamita man ninyo ro tanan nga gintao it Dyos katon agod masukean ninyo ag maperdi ro mga pagpataeang ni Satanas.

Mga TagaEfeso 6:13

Ngani gamita gid ninyo ro tanan nga gintao it Dyos agod kon sukubon kamo it kaaway bisan anong oras hay makasukoe kamo. Ag kon tapos eon ro inaway hay malig-on gihapon kamo.

Mga TagaColosas 2:15

Tag namatay si Kristo sa krus hay ginperdi it Dyos ro mga espirito nga may gahom ag may otoridad, ag ana sanda nga ginparehas sa mga bihag sa gira nga ginpaparada agod makita it tanan ro andang makahueuya nga pagkaperdi.

1 Juan 3:8

Pero ro nagapadayon sa pagpakasaea hay unga ni Satanas, dahil ro pagpakasaea hay hilimuon eo't-a ni Satanas halin pa't-a kato. Mawron nga nag-adto riya sa kalibutan ro Unga it Dyos agod samaron ro mga ginahimo ni Satanas.

1 Juan 4:4

Mga unga nakon sa pagtuo, kamo hay mga katawhan it Dyos ngani haperdi eon ninyo ro mga nagapakuno-kuno nga mga propeta, ay owa ninyo sanda pagpatihi. Owa ninyo sanda pagpatihi ay ro Espirito Santo nga una kinyo hay mas gamhanan kaysa kay Satanas nga nagagahom sa mga tawo iya sa kalibutan nga owa nagakilaea sa Dyos.