Lucas 11:13 - Inkeanon

¹³ Kon kamo nga mga maeain hay nagatao ngani it manami sa inyong mga unga, mas kapin pa gid ro Ama sa eangit. Itao nana ro Espirito Santo sa nagapangayo kana.”

Lucas 11:13 Iomraidhean Croise

Mateo 5:16

Ngani pahayaga ro inyong iwag paagi sa pagpakita ku inyong pagsunod sa Dyos, agod ro mga tawo sa inyong libot hay makakita ku inyong mayad nga binuhatan, ag andang dayawon ro inyong Ama sa eangit.”

Mateo 5:45

Kon himuon ninyo ron hay gapakilaea nga mga unga gid kamo ku inyong Ama sa eangit. Ana nga ginapasilak ro adlaw sa tanan nga tawo, mayad man o maeain. Ag ana man nga ginatao ro uean sa mga nagahimo it matarong ag sa mga owa nagahimo it matarong.

Mateo 6:14

Kon inyong patawaron ro mga nagakasaea kinyo, patawaron man ku inyong Ama sa eangit ro inyong mga saea.

Mateo 6:30

Kon ro mga hilamunon nga owa man gabuhay, nga buhi makaron ag hin-aga hay eaay eon ag ginapanggatong eang hay ginapanami it Dyos paagi sa andang mga bueak, bukon baea it mas mapaeambungan nana kamo? Kueang 't-a gihapon ro inyong pagtuo kana.

Mateo 6:32

dahil ro mga tawo eang iya sa kalibutan nga owa nagakilaea sa Dyos ro nagahinimakas para sa mga butang ngaron. Pero kamo't-a hay sigurado nga ro inyong Ama sa eangit hay nakasayod nga kinahangean ninyo ro mga bagay ngaron.

Mateo 7:11

Kon kamo nga mga maeain hay nagatao ngani it manami sa inyong mga unga, mas kapin pa gid ro inyong Ama sa eangit. Itao nana ro mayad sa nagapangayo kana.

Lucas 11:12

Ukon mangayo ra unga it itlog hay taw-an na't-a it tibaba?

Lucas 11:2

Naghambae si Jesus kanda, “Kon magpangamuyo kamo hay makara ro inyong ihambae: ‘Ama, balaan ro imong ngaean. Kabay pa nga tahuron ka it mga tawo. Kabay pa nga magpasakop eon ro tanan nga mga tawo sa imong paghari sa andang tagipusuon.

Lucas 18:7

Bukon abi it mas kapin pa gid ro Dyos nga matarong gid? Anang taw-an it hustisya ro anang mga pinili nga katawhan nga ginmaltrato nga nagapinangayo it bulig kana adlaw-gabii. Indi gid imaw matak-an sa andang pagpinangayo kana.

Juan 4:10

Nagsabat si Jesus, “Kon hasayran mo eang kunta kon mauno ro regalo nga gustong itao kimo it Dyos, ag kon sayod ka kunta kon sin-o ako nga nagapangayo kimo it tubi hay ikaw 't-a ro mangayo kakon ag ro akong itao kimo hay tubi nga nagatao it kabuhi nga owa't katapusan.”

Mga Binuhatan 2:38

Nagsabat si Pedro, “Ro kada isaea kinyo hay dapat magtalikod sa saea ag magpabawtismo nga gapakilaea nga nagapasakop eon kamo kay Jesu-Kristo nga inyong Ginuo. Dikaron patawaron ro inyong mga saea ag mabaton ninyo ro regalo it Dyos, nga imaw ro Espirito Santo.

Mga TagaRoma 5:17

Dahil sa saea it sangka tawo nga si Adan hay owa it bisan sin-o nga makalikaw sa kamatayon ay matsa hari ra nga dapat gid nga tumanon. Pero mas pa't-a ro resulta it ginhimo it sambilog man nga tawo nga si Jesu-Kristo, dahil ro tanan nga gabaton ku sobrang kabuot it Dyos ag ku anang regalo nga pagbilang kanda nga mga matarong hay may kabuhi eon nga owa't katapusan, ag magahari man sanda kaibahan ni Kristo dahil sa anang ginhimo.

Mga TagaRoma 7:18

Sayod ako nga owa gid it mayad sa akong kinaiya nga makasasaea. Gusto ko kunta nga mag-obra it mayad ugaling hay indi ko ron masarangan nga obrahon.

Mga TagaRoma 8:32

Bisan ro ana mismo nga Unga hay owa nana ginlikaw sa kamatayon kundi gintugot nana nga mamatay para katon tanan. Ginhimo na eon ngani ron, indi pa baea nana itao nga owa it hawid-hawid ro tanan nga para sa atong kamaeayran?

Tito 3:3

Dumdumon naton nga kita man ngani kato hay owa kaeubot parti sa Dyos, bukon it masinueundon kana, ag ginpinataeang. Ulipon anay kita it mga sari-sari nga mga maeain nga handom nga nailaan ku atong eawas. Puro eang anay maeain ro atong ginaisip sa atong isigkatawo ag permi eang natong ginahisaan sanda. Ginakaugtan kita it mga tawo ag ginakaugtan man naton sanda.