Lucas 10:9 - Inkeanon

⁹ Pamayara ninyo ro mga nagamasakit sa ruyong banwa ag sugiri ro mga pumueuyo, ‘Iya eon kinyo ro oportunidad nga matapoe sa mga sinakpan it Dyos.’

Lucas 10:9 Iomraidhean Croise

Mateo 3:2

Hambae nana permi sa mga tawo, “Maghinuesoe kamo ag magtalikod sa inyong mga saea ay madali lang ro oras nga ipahayag it Dyos ro anang paghari sa tagipusuon ku anang mga sinakpan.”

Mateo 4:17

Ku ratong tyempo hay nag-umpisa si Jesus it pagwali. Hambae nana sa mga tawo, “Maghinuesoe kamo ag magtalikod sa inyong mga saea ay madali lang ro oras nga pagaharian it Dyos ro tagipusuon ku anang mga sinakpan.”

Marcos 4:30

Tapos hay naghambae pa gid si Jesus, “Mauno ro paghari it Dyos? Sa ano naton ra ikakompara?

Marcos 6:13

Abo nga mga maeain nga espirito nga nagsueod sa mga tawo ro ginsuboe ku mga sumueunod. Abo man nga mga masakiton ro andang ginhibo it eana ag ginpamayad.

Lucas 10:10

Pero kon mag-adto kamo sa bisan siin nga banwa ag indi nanda kamo pagbatunon, adto kamo sa kon siin may abong tawo ag ihambae ninyo ra:

Lucas 10:11

‘Tungod owa ninyo kami pagbatuna, maskin ro tapu-tapu sa inyong banwa nga nagadukot sa among mga siki hay among ginapagpag bilang tanda nga, sa mata it Dyos hay pareho kamo it mga tawo nga owa nagakilaea kana. Pero tandai ninyo nga gintaw-an kamo it oportunidad nga matapoe sa mga sinakpan it Dyos.’

Lucas 9:2

Ana dayon sanda nga ginpapanaw agod magwali parti sa paghari it Dyos sa anang mga sinakpan ag magpamayad it mga masakiton.

Juan 3:3

Nagsabat si Jesus, “Matuod gid rang ginahambae kimo nga kon ro isaeang ka tawo hay indi matawo it uman, indi imaw hitapoe sa mga sinakpan it Dyos.”

Juan 3:5

Nagsabat si Jesus, “Matuod gid rang ginahambae kimo nga kon ro tawo hay indi matawo paagi sa tubi ag paagi sa Espirito Santo hay indi imaw hitapoe sa mga sinakpan it Dyos.

Mga Binuhatan 28:28

Hambae pa gid ni Pablo, “Dapat ninyong masayran nga may ginpadaea ro Dyos nga mga gabalita sa mga bukon it Judio parti sa rayang kaeuwasan nga akong ginahinambae kinyo. Ag ro mga bukon it Judio ngato hay magapamati kara.”

Mga Binuhatan 28:31

Ana sandang ginwinalihan parti sa paghari it Dyos sa anang mga sinakpan ag gintinur-an parti kay Ginuong Jesu-Kristo nga owa it napanimbangan ag owa man it nagabawae.