Lucas 10:7 - Inkeanon

⁷ Ayaw kamo it saylo-saylo it daeayunan. Idto eang kamo magtenir sa ratong panimaeay nga nagbaton kinyo. Ayaw kamo maghuya-huya nga magbaton kon ano ro andang ginapakaon ag ginapainom kinyo tungod nga nagakabagay eang nga suhuean ro nagakabudlay.

Lucas 10:7 Iomraidhean Croise

Marcos 6:10

Kon ginabaton kamo sa sangka baeay hay idto eang kamo magdayon hasta nga maghalin eon kamo sa lugar ngaron.

Lucas 10:6

Kon nalipay sanda sa pagbaton ku katawhayan ngato hay taw-an gid sanda it Dyos karon. Pero kon owa sanda naila magbaton hay indi man sanda pagtaw-an it Dyos.

Lucas 9:4

Kon ginabaton kamo sa sangka baeay, idto eang kamo magdayon hasta nga maghalin eon kamo sa lugar ngaron.

Mga Binuhatan 16:15

Ginbawtismuhan dayon imaw pati man ro anang panimaeay. Pagkatapos hay ginkangay nana kami. Hambae nana, “Kon nagapati kamo nga tumueuo matuod ako it Ginuo hay musyon kamo sa amon ag idto kamo magdayon.” Owa gid-a kami kabalibad kana ay maemae eo't-a ra kangay kamon.

Mga Binuhatan 16:34

Gindaea dayon nana sanday Pablo ag Silas sa anda ag gindat-unan it pagkaon. Nalipay gid imaw ag ro anang bilog nga panimaeay ay nagatuo eon sanda sa Dyos.

Mga Binuhatan 16:40

Pagkahalin sa prisuhan hay nag-adto sanday Pablo ag Silas sa anday Lydia. Nagpakigkita sanda idto sa mga kaigmanghuran ag ginpabakod ro andang buot. Pagkatapos hay nagpanaw eon dayon sanday Pablo.

Mga TagaGalacia 6:6

Ro ginatud-an it mensahi it Dyos hay dapat nga hueayan man nana ro nagaturo kana ku mga pagpakamaayo nga habaton nana.

1 Timoteo 5:13

Ag sambilog pa nga rason nga indi sanda dapat itapoe sa listahan hay basi imbis nga tumanon nanda ro andang katungdanan hay magtinamad ag magpinanumbaeay lang sanda. Ag basi indi eang sanda magtinamad kundi mag-inintra pa sa pangabuhi it iba ag mag-inistorya it pinadapoe ag mga indi dapat istoryahan.

2 Timoteo 2:6

Ro sambilog pa nga dapat mo paino-inohon hay raya: Ro mangunguma nga nagkabudlay hay imaw dapat ro hauna nga makasamit ku tubas ku anang kinabudlayan.