Lucas 10:29 - Inkeanon

²⁹ Pero gusto ku maestro it Kasuguan nga paguwaon nga tama nga pilion eang nana ro anang higugmaon ngani nagpangutana imaw kay Jesus, “Hay sin-o man abi ro akon nga isigkatawo nga dapat kong higugmaon?”

Lucas 10:29 Iomraidhean Croise

Marcos 8:34

Ginpapaeapit dayon nana ro anang mga sumueunod, pati ro abo nga mga tawo nga idto man ag ginhambae, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw mag-atubang it kalisod, paghingabot ag kamatayon por dahil sa anang pagsunod kakon.

Lucas 10:36

Ginpangutana dayon ni Jesus ro maestro it Kasuguan, “Kon kimo, sin-o sa tatlo ngato ro nagpakita it matuod nga paghigugma sa ratong tawo nga gin-eambangan it mga buyong?”

Lucas 16:15

Pero ginhambae sanda ni Jesus, “Kamo't-a ro akong ginapatungdan sa akon ngatong istorya nga nagapapati sa mga tawo nga tama gid kamo pero sayod it Dyos ro inyong kabubut-on. Ro mga ginadayaw abi it tawo hay imaw man ron ro ginakangil-aran it Dyos.”

Mga TagaRoma 4:2

Kon ginbilang imaw it Dyos nga matarong dahil sa anang mga mayad nga buhat hay ikapabugae nana ron. Pero sa panueok it Dyos hay owa it ikapabugae si Abraham kana.

Mga TagaGalacia 3:11

Ngani maathag nga owa it mangin matarong sa mata it Dyos paagi sa anang pagtuman sa Kasuguan. Nasueat abi sa Sagrado nga Kasueatan nga, “Ro tawo nga nangin matarong paagi sa anang pagtuo sa Dyos hay magakabuhi hasta sa owa't katapusan.”

Santiago 2:24

Ngani makita mo pa gid nga ro tawo hay ginabilang nga matarong it Dyos bukon eang it sa anang paghambae nga nagatuo imaw kundi dapat nga may kaibahan man ron nga buhat nga nagapakita ku pagtuo na ngaron.