Lucas 10:24 - Inkeanon

²⁴ Ginahambae ko kinyo nga abo nga mga propeta it Dyos ag mga hari kato anay ro naghandom nga hikita ag hibatian ro inyong mga hakita ag habatian, pero owa gid ron nanda hakit-i ag habatii.”

Lucas 10:24 Iomraidhean Croise

Mateo 13:16

“Pero bulahan kamo nga mga nagasunod kakon ay haeubtan ninyo kon ano ro inyong hakita ag habatian.

Lucas 10:23

Nagbalikid dayon imaw sa anang mga sumueunod ag naghambae it mahinay nga sanda eang ro makabati, “Bulahan kamo ay kita't-a ninyo makaron ro akong mga ginahimo.

Lucas 10:25

Isaeang adlaw, may sangka maestro it Kasuguan nga gusto kunta nga testingan si Jesus. Nagtindog imaw ag nagpangutana kay Jesus. Hambae nana, “Maestro, ano ro akong obrahon agod makabaton it kabuhi nga owa it katapusan?”

Juan 8:56

Kato anay, ro inyong lolo nga si Abraham hay nagkalipay tungod anang ginapaabot nga makita nana ro akong pag-abot riya. Ag hakita ron nana mawron nga nalipay gid imaw it duro.”

Mga Hebreo 11:13

Hasta namatay sanday Abraham, Sara, Isaac, ag Jacob hay nagtuo sanda nga tumanon it Dyos ro anang ginpromisa bisan owa nanda rato habaton. Pero matsa hakita eon nanda ro tyempo sa ulihi nga mabaton ku andang mga inapo ro katumanan ku ratong promisa ag nalipay sanda karon. Ginkilaea nanda nga mga estranghero eang ag mga umaeagi sanda sa rayang kalibutan.

Mga Hebreo 11:39

Nalipay kanda tanan ro Dyos dahil nagpadayon sanda nga malig-on ro andang pagtuo bisan owa nanda habaton ro ginpromisa nana.