Lucas 10:22 - Inkeanon

²² Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea it mayad kakon mageuwas sa akong Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Lucas 10:22 Iomraidhean Croise

Mateo 11:25

Tapos, nagpangamuyo si Jesus, “Ama, Ginuo ka ku tanan sa eangit ag sa kalibutan. Ginapasaeamatan ko ikaw tungod ro mga ginlipod mo sa mga may tinun-an nga nagaeaom nga mga maaeam sanda hay ginpahayag mo't-a sa mga mapainubuson ag naila magpaturo pareho it mga unga.

Mateo 11:27

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea gid sa Unga mageuwas sa Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Mateo 28:18

Nagpaeapit si Jesus kanda ag naghambae, “Gintao kakon ro otoridad nga maghari sa tanan sa eangit ag sa kalibutan.

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 10:15

Ro among pagkililaea hay pareho ku pagkililaea namon ku akong Ama. Ag haom man ako nga magsakripisyo ku akong kabuhi para sa akong mga karnero.

Juan 13:3

Sayod ni Jesus nga gintugyan eon ku anang Ama sa anang alima ro tanan nga gahom, ag sayod man nana nga idto imaw maghalin sa Dyos, ag sa Dyos man imaw magabalik.

Juan 17:10

Tanan ro akong mga katawhan hay imo man, ag ro imong mga katawhan hay akon man, ag ginadayaw eon ako dahil kanda.

Juan 17:2

Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 17:26

Ginpasayod ko kanda ro imong kinaiya ag plano, ag padayunon ko ron agod maghigugmaanan sanda pareho ku imong paghigugma kakon, ag agod padayon nga mageueot ro akong kaangtanan kanda.”

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 3:35

Ginahigugma gid it Dyos Ama ro ana nga Unga mawron nga kana kara gintugyan ro tanan-tanan.

1 Corinto 15:24

Maabot eon dayon ro katumanan ku plano it Dyos kon maperdi eon ni Kristo ro tanan nga manogdumaea, ag ro tanan nga may otoridad ag gahom sa pagdumaea. Dapat abi nga magahari si Kristo hasta hiperdi nana ro tanan nanang kaaway ag pagkatapos, ana eon dayon nga ipresentar ro anang mga katawhan nga anang sinakpan sa Dyos Ama.

2 Corinto 4:6

Ginahimo namon ra dahil ro Dyos nga naghambae nga maghayag eon tag madueom pa't-a ro kalibutan hay imaw man ro nagpahayag sa among kaisipan agod maeubtan namon nga una kay Jesu-Kristo ro pagkadaeayawon it Dyos.

Mga TagaEfeso 1:21

Ngani idto si Kristo sa eangit ag mas gamhanan pa imaw sa tanan nga mga anghel ag iba pa nga mga espirito nga nagahari, may otoridad, may gahom o nagadumaea. Owa eon it makaeabaw pa kana makaron nga tyempo, ag sa paeaabuton.

Mga Hebreo 2:8

ay imo nga ginpasakop kanda ro tanan nga iya sa kalibutan” Suno rikara hay owa it habilin nga owa ginpasakop it Dyos sa tawo. Pero sa makaron hay owa pa naton hakita ro katumanan karon.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.

2 Juan 1:9

Ro tanan nga owa nagapadayon sa pagsunod sa ginaturo ni Kristo, kundi nagaturo it sobra pa karon hay owa it maeueot nga kaangtanan sa Dyos. Pero ro nagapadayon sa pagsunod sa ginaturo ni Kristo hay may maeueot nga kaangtanan sa Dyos nga Ama, ag sa ana nga Unga.