Lucas 10:2 - Inkeanon

² Bago nana sanda ginpapanaw hay ginbilinan nana sanda, “Kaabo-abo kunta ro tawo nga gustong magtuo kakon pareho it gianyon nga bugana pero kueang ro manog-ani. Ngani pangamuyo kamo sa Ginuong Dyos, nga tag-ana it gianyon, nga padaehan nana it mga manog-ani ro anang aeanyon.

Lucas 10:2 Iomraidhean Croise

Mateo 20:1

Nagturo dayon si Jesus paagi sa paanggid nga istorya. Hambae nana, “Ro paghari it Dyos sa anang mga sinakpan hay pareho kara. May isaeang ka tag-ana it maeapad nga ubasan. Agahon pa nga mayad hay nagpanaw imaw agod mag-usoy it trabahador para sa anang ubasan.

Marcos 13:34

Pareho ra it tagbaeay nga nagpanaw ag ginbilin nana sa anang mga sueuguon ro andang kaugalingon nga obligasyon. Ana man nga ginbilin sa anang bantay nga mangin alisto gid.

Marcos 16:15

Naghambae man imaw kanda, “Panaw kamo sa tanan nga lugar sa kalibutan ag iwali ro Mayad nga Balita sa tanan nga mga katawhan bisan siin.

Marcos 16:20

Umpisa kato hay nagpanaw ro mga sumueunod sa tanan nga lugar ag nagwali parti kay Ginuong Jesus. Ginbuligan nana sanda ag anang gintaw-an sanda it gahom nga makahimo it milagro, agod pamatud-an sa mga tawo nga minatuod ro andang ginawali.

Lucas 9:1

Kaisaea kato, ginpatipon ni Jesus ro dose nanang ka mga sumueunod ag gintaw-an nana sanda it otoridad ag gahom nga magpangsuboe it tanan nga demonyo ag magpamayad it mga baeatian.

Mga Binuhatan 11:19

Rondatong mga tumueuo sa Jerusalem nga ginhingabot halin ku pagkapatay kay Esteban hay nagtaeapeaag sa mga maeayo nga lugar. May haadto kanda sa Fenicia, sa isla it Cyprus ag sa syudad it Antioc sa probinsya it Syria. Ginwali nanda ro mensahi it Dyos bisan siin sanda haadto, ugaling hay sa mga Judio eang.

Mga Binuhatan 13:2

Tag nagapuasa sanda ag nagasimba sa Ginuo, naghambae kanda ro Espirito Santo, “Paeainan ninyo para kakon si Barnabas ag si Saulo ay may oeobrahon ako nga ginabutangan kanda.”

Mga Binuhatan 13:4

Pagkahalin nanday Barnabas ag Saulo hay gin-giyahan sanda ku Espirito Santo nga mag-adto sa Seleucia ag halin idto hay nagsakay sanda sa barko paadto sa isla it Cyprus.

Mga Binuhatan 20:28

Ngani haeungi gid ro inyong kaugalingon pati ro tanan nga mga tumueuo nga inyong ginadumaeahan nga matsa panong it mga karnero nga gintugyan kinyo it Espirito Santo. Bantayi sanda it mayad ay ana sanda it Dyos, ay gintubos nana sanda paagi sa dugo mismo ku ana nga Unga.

Mga Binuhatan 22:21

Naghambae dayon ro Ginuo kakon, ‘Panaw eon ay paadtunon ta sa maeayo nga mga lugar it mga bukon it Judio.’ ”

Mga Binuhatan 8:4

Ro mga tumueuo nga nagtaeapeaag hay naglinibot ag nagwinali ku Mayad nga Balita parti kay Jesus.

1 Corinto 12:28

Ag sa rayang eawas ni Kristo, may ginbutang ro Dyos nga mga tawo nga magahimo it sari-saring oeobrahon. Ro hauna hay mga apostoles, pangaywa hay mga propeta, pangatlo hay mga manogturo ku anang hambae, masunod hay nagahimo it mga milagro, mga gintaw-an it abilidad nga magpamayad it mga nagamasakit, mga gintaw-an it handom ag abilidad sa pagbulig sa andang isigkatawo, mga administrador ag mga nagahambae it sari-saring mga linggwahe nga gintao kanda it Espirito Santo.

1 Corinto 15:10

Pero sa gihapon hay nangin apostol gid 't-a ako ag kon ano ako makaron hay dahil ron tanan sa sobrang kabuot it Dyos kakon, ag may pueos gid 't-a ro ana ngarang sobrang kabuot kakon. Matuod nga sa akong pagserbi kana hay nagkabudlay ako eabaw pa sa pagkabudlay ku ibang mga apostoles, pero ro mayad nga bunga ku akong pagkabudlay hay dahil eang sa anang sobrang kabuot kakon bukon it sa kaugalingon nakon nga ikasarang.

2 Corinto 6:1

Bilang mga katuwang it Dyos sa anang bueuhaton, ginahinyo namon kamo nga ayaw ninyo pagbaliwalaa ro anang sobrang kabuot nga inyong haagyan. Kon baliwalaon abi ninyo ro anang sobrang kabuot kinyo hay mangin owa ron it pueos.

Mga TagaFilipos 2:21

Ro iba eo't-a hay ro andang kamaeayran eang ro ginaisip ag bukon it kon ano ro ginapahaegahan ni Jesu-Kristo.

Mga TagaFilipos 2:25

Pero nagdesisyon ako nga dapat nga pabalikon ko inha ro atong igmanghod nga si Epafroditus, nga inyong ginpaadto iya agod magbulig kakon sa akong mga kinahangeanon. Kaibahan ko imaw sa pagserbi sa Dyos ag sa pagpangapin ku Mayad nga Balita.

Mga TagaFilipos 2:30

tungod sangkiri eang imaw mamatay dahil eang sa anang pagserbi kay Kristo. Anang ginbutang sa peligro ro anang kabuhi sa pagserbi kakon, nga indi ninyo mahimo ay maeayo kita sa kada isaea.

Mga TagaColosas 1:29

Ginatinguhaan ko gid nga mahimo ro trabaho nga ginsalig kakon it Dyos paagi sa gahom nga ginatao kakon ni Jesu-Kristo.

Mga TagaColosas 4:12

Ginakumusta man kamo ni Epafras nga inyong kasimanwa. Nagaserbi man ron imaw kay Kristo Jesus ag grabi gid ro anang pagpinangamuyo para kinyo, agod maglig-on kamo ag owa it ikasaway sa inyong pagtuo ag sigurado gid ku tanan nga gusto it Dyos nga ipaobra kinyo.

1 Tesalonica 2:9

Hadumduman man siguro ninyo, mga igmanghod, nga tag inha pa kami nga nagawali ku Mayad nga Balita halin sa Dyos hay nagpatay-patay kami sa pagtrabaho. Adlaw-gabii hay nagpangita't-a kami agod indi kami magpabug-at bisan kanyo kinyo.

1 Tesalonica 5:12

Mga igmanghod, hara ro among katapusan nga mga bilin kinyo. Tahura ninyo ro mga nagapanikasog sa oeobrahon nga gintao kanda it Ginuo nga magdumaea ag magturo kinyo.

2 Tesalonica 3:1

Mga igmanghod, may amon pa nga ginahambae kinyo. Pangamuyui ninyo kami agod nga ro mensahi hanungod sa Ginuo hay mageapnaag it madasig ag batunon ag pahaegahan it mga tawo pareho ku natabo inha kinyo.

1 Timoteo 4:10

Ngani dahil gusto gid naton nga makasayod ro mga tawo parti sa bag-o nga kabuhi ngara nga ginpromisa it Dyos, mawron nga nagapanikasog ag nagapangabudlay kita para karon. Ag sigurado gid kita nga tumanon it Dyos ro ana ngarang promisa, imaw nga buhi hasta sa owa it katapusan. Gusto nana nga euwason ro tanan nga mga tawo ag euwason gid nana ro mga nagatuo kay Jesus.

2 Timoteo 4:5

Pero ikaw 't-a, Timoteo, pugngi permi ro imong kaugalingon sa tanan nga bagay, tiisa ro tanan nga kalisod nga gaabot kimo dahil sa imong pagwali ku Mayad nga Balita, padayuna ro imong pagwali karon, ag obraha ro tanan nga gintugyan kimo it Dyos.

Filemon 1:1

Raya nga sueat hay halin kakon nga si Pablo nga napriso tungod sa akong pagwali parti kay Kristo Jesus, ag halin man ra kay Timoteo nga atong igmanghod sa pagtuo. Nagasueat kami kimo, Filemon, amon nga palangga nga amigo ag kapareho namon sa pagserbi sa Ginuo.

Mga Hebreo 3:6

Pero si Kristo ma't-a hay unga it tagbaeay ag masaligan imaw sa pagtatap ku panimaeay ku anang Ama. Ag kita ro panimaeay it Dyos, kon magpakalig-on kita sa atong pagkasigurado nga mabaton naton ro mga ginpromisa it Dyos nga atong ginapabugae nga maabot.

Pahayag 2:1

“Raya ro imong isueat sa anghel it grupo it mga tumueuo idto sa Efeso: ‘Raya ro mensahi nakon, ako nga nagabuyot it pitong ka bituon sa akong tuo nga alima ag nagatikang sa tunga ku pitong bueawan nga tueungtungan it lampara.