Lucas 10:18 - Inkeanon

¹⁸ Nagsabat si Jesus, “Hakita ko ngani si Satanas nga matsa kilat it dasig nga nahueog halin sa eangit.

Lucas 10:18 Iomraidhean Croise

Mateo 4:10

Nagsabat si Jesus, “Halin iya, Satanas! Nasueat sa Sagrado nga Kasueatan nga ‘Ro Ginuo nga imong Dyos eang ro imong simbahon ag imaw eang ro imong serbihan.’ ”

Juan 12:31

Makaron eon ro oras nga sintinsyahan ro tanan nga nagakuntra kakon. Makaron man ro oras nga perdihon eon ro manogdumaea ku tanan nga nagakuntra sa Dyos.

Juan 16:11

Ag hanungod sa paghukom it Dyos, pamatud-an nana nga hukman gid it Dyos ro andang saea. Ro pamatuod kara hay ginhukman eon it Dyos si Satanas nga nagadumaea sa tanan nga mga owa gatuo kakon.

Mga Hebreo 2:14

Tungod ro mga ginatawag nga mga unga it Dyos dikara hay mga tawo nga may eawas nga nagakamatay, ngani nagpakatawo man si Jesus agod may ana man nga eawas nga anang ikasakripisyo. Ana ron nga ginhimo agod paagi sa anang kamatayon hay maperdi nana si Satanas, nga imaw ro dahilan nga nagakamatay ro tawo.

1 Juan 3:8

Pero ro nagapadayon sa pagpakasaea hay unga ni Satanas, dahil ro pagpakasaea hay hilimuon eo't-a ni Satanas halin pa't-a kato. Mawron nga nag-adto riya sa kalibutan ro Unga it Dyos agod samaron ro mga ginahimo ni Satanas.

Pahayag 20:2

Ana dayon nga gindakop ro Dragon nga imaw man tag nagpakuno-kuno nga sawa kato anay, ag imaw man ro ginatawag nga Dyablo ukon Satanas. Ginkadenahan dayon imaw ku anghel ag indi imaw pagbuhian sa sueod it 1,000 nga dag-on.

Pahayag 9:1

Ginpatunog man dayon it ikalima nga anghel ro anang trumpeta. Nakakita dayon ako it bituon nga nahueog sa kalibutan. Gintaw-an dayon rato it yabi sa buho nga owa't katapusan ro kadaeumon.