Lucas 10:15 - Inkeanon

¹⁵ Ag kamo man nga mga tagaCapernaum, ayaw eon kamo magpaabot nga itue-og kamo sa eangit agod padunggan it Dyos, dahil idto gid kamo sa impyerno itagbong agod pinahan.”

Lucas 10:15 Iomraidhean Croise

Mateo 10:28

Ayaw kamo it kahadlok sa makapatay sa inyo eang nga eawas pero indi makapatay sa inyong kaeag. Ro dapat ninyong kahadlukan hay ro Dyos nga makapina it grabi ku inyong eawas, ag pati man ku inyong kaeag sa impyerno hasta sa owa it katapusan.

Mateo 11:23

Ag kamo man nga mga tagaCapernaum, ayaw eon kamo magpaabot nga itue-og kamo sa eangit agod padunggan it Dyos dahil idto gid kamo sa impyerno itagbong agod pinahan. Kon nakakita ro mga tagaSodoma ku mga milagro nga pareho ku akon nga ginhimo inha kinyo hay sigurado nga gahinuesoe ag gatalikod sanda sa andang mga saea, ag nagatindog pa't-a ro andang syudad hasta makaron.

Mateo 4:13

sa anang banwa nga Nazaret pero owa imaw idto mag-istar, kundi idto sa Capernaum nga maeapit sa *Dagat it Galilea, sa lugar nga ginaistaran ku mga inapo nanday Zabulon ag Naftali.

Lucas 13:28

“Kon hikita ninyo sanday Abraham, Isaac ag Jacob ag ro tanan nga mga propeta nga gintapoe sa mga sinakpan it Dyos nga anang ginaharian pero kamo hay hibilin sa guwa ag pagatabugon, dikaron eon dayon kamo mag-inueahab ag magpinagot.

Lucas 16:23

Idto imaw sa impyerno tumugpa ag nagainantos it sobrang kasakit. Nagtan-aw imaw sa maeayo ag hakita nana si Abraham, ag si Lazarus nga idto sa anang euyo kara.

2 Pedro 2:4

Sigurado gid ron, tungod owa ngani nana pagpataliwana ro saea ku mga anghel kato kundi ana sanda nga tinagbong sa kadudueman nga mamingaw sa impyerno, kon siin mat kinadinahan sanda idto hasta sa adlaw nga sintinsyahan sanda ag pinahan.