Lucas 10:14 - Inkeanon

¹⁴ Ngani kon mag-abot ro adlaw it paghukom, ro pina nga inyong dangaton hay mas grabi pa kaysa sa pina nga dangaton ku mga tagaTiro ag Sidon.

Lucas 10:14 Iomraidhean Croise

Mateo 10:15

Matuod rang ginahambae kinyo nga kon mag-abot eon ro adlaw it paghukom, ro pina nga batunon ku mga indi ngato magbaton kinyo hay mas grabi pa sa pina it mga tagaSodoma ag Gomora.”

Mateo 11:21

Hambae nana, “Makangigidlis gid ro matabo kinyo nga mga tagaCorazin ag mga tagaBetsaida, tungod owa't-a kamo magtalikod sa inyong saea! Kon ginhimo ko't-a kunta sa Tiro ag Sidon ro mga milagro nga ginhimo ko iya kinyo hay kabuhay eo't-a sanda nga nagsuksuk it magaeas nga eambong ag nagbutang it abo sa andang ueo bilang tanda ku andang pagtalikod sa saea.

Juan 3:19

“Ginsintinsyahan eo't-a sanda nga pinahan dahil tag nag-abot sa kalibutan ro ginatawag nga ro Iwag hay owa nanda rato pagpatihi, kundi mas ginpahaegahan pa nanda ro kadueom dahil maeain ro andang mga buhat.

Mga TagaRoma 2:1

Basi mahambae kamo nga ro mga tawong makaruyon hay mga maeaot gid ag dapat pinahan ag kamo't-a hay matarong. Pero sa inyo ngarong pagkondenar kanda hay inyo man nga ginakondenar ro inyong kaugalingon ay paeareho man lang ro inyong mga buhat! Ngani bukon kamo it abswelto sa pina it Dyos!

Mga TagaRoma 2:27

Ro pagtuman karon ku mga bukon it Judio nga bukon it tinuli hay magakondenar kinyo nga mga Judio, kamo nga tinuli ag gintaw-an ku Kasuguan nga una sa Sagrado nga Kasueatan pero owa man nagatuman.