Lucas 10:11 - Inkeanon

¹¹ ‘Tungod owa ninyo kami pagbatuna, maskin ro tapu-tapu sa inyong banwa nga nagadukot sa among mga siki hay among ginapagpag bilang tanda nga, sa mata it Dyos hay pareho kamo it mga tawo nga owa nagakilaea kana. Pero tandai ninyo nga gintaw-an kamo it oportunidad nga matapoe sa mga sinakpan it Dyos.’

Lucas 10:11 Iomraidhean Croise

Mateo 10:14

Kon mag-adto kamo sa sangka lugar o baeay ag indi sanda magbaton ag magpamati kinyo, aywani sanda. Ag kon maghalin kamo sa lugar ngaron, pagpaga ro tapu-tapu sa inyong mga siki bilang tanda nga, sa mata it Dyos, ro mga tagaidto hay pareho it mga tawo nga owa nagakilaea kana.

Mateo 10:7

Sa tanan ninyo nga adtunan hay iwali ninyo ro mensahi nga iya eon ro oportunidad nga matapoe sanda sa mga sinakpan it Dyos.

Mateo 3:2

Hambae nana permi sa mga tawo, “Maghinuesoe kamo ag magtalikod sa inyong mga saea ay madali lang ro oras nga ipahayag it Dyos ro anang paghari sa tagipusuon ku anang mga sinakpan.”

Marcos 6:11

Kon may hiadtunan kamo nga lugar nga indi magbaton ag indi magpamati kinyo ro mga pumueuyo, aywani sanda. Ag kon maghalin kamo sa lugar ngaron hay pagpaga ro tapu-tapu sa inyong mga siki bilang tanda nga sa mata it Dyos hay pareho sanda it mga tawo nga owa nagakilaea kana.”

Lucas 10:10

Pero kon mag-adto kamo sa bisan siin nga banwa ag indi nanda kamo pagbatunon, adto kamo sa kon siin may abong tawo ag ihambae ninyo ra:

Lucas 10:9

Pamayara ninyo ro mga nagamasakit sa ruyong banwa ag sugiri ro mga pumueuyo, ‘Iya eon kinyo ro oportunidad nga matapoe sa mga sinakpan it Dyos.’

Lucas 9:5

Kon may hiadtunan kamo nga banwa nga indi magbaton kinyo ro mga pumueuyo, aywani sanda. Ag kon maghalin kamo sa banwa ngaron hay pagpaga ro tapu-tapu sa inyong mga siki bilang tanda nga, sa mata it Dyos hay pareho sanda it mga tawo nga owa nagakilaea kana.”

Mga Binuhatan 13:26

“Mga igmanghod, mga inapo ni Abraham, ag mga bukon it Judio nga nagasimba man sa Dyos, kita mismo ro ginpadaehan ku rayang mensahi kon paalin kita maeuwas it Dyos.

Mga Binuhatan 13:40

Ngani mag-andam gid kamo nga indi matabo kinyo ro ginhambae it mga propeta nga makaraya:

Mga Binuhatan 13:46

Pero maisog ro buot nanday Pablo ag Barnabas sa pagsabat kanda. Hambae nanda, “Kamo ro hauna nga ginsugiran namon ku mensahi nga halin sa Dyos ag duyon gid ma't-a dapat. Pero dahil indi ma't-a kamo magbaton kara, ag kon kinyo hay owa kamo gakinahangean ku mensahi parti sa kabuhi nga owa it katapusan, ngani indi eon kami magturo kinyo kundi sa mga bukon it Judio la't-a.

Mga Binuhatan 13:51

Tag nagahalin eon sanday Pablo sa ratong lugar hay andang ginpagpag ro tapu-tapu sa andang mga siki bilang tanda nga sa mata it Dyos, ro mga pumueuyo ngato hay pareho it mga tawo nga owa nagakilaea kana. Nagpanaw dayon sanda paadto sa syudad it Iconium.

Mga TagaRoma 10:21

Pero raya ro anang ginhambae parti sa mga Judio, “Adlaw-gabii ginadawat ko ro akong mga alima sa pagbaton ku mga tawo ngara bisan mga paearason sanda ag mga bukon it matinumanon.”

Mga TagaRoma 10:8

Kita nga mga nagatuo eon kay Kristo hay makahambae it pareho sa nasueat sa Sagrado nga Kasueatan, “Ro mensahi it Dyos hay maeapit kimo. Una ron sa imo mismo nga ba-ba ag tagipusuon.” Raya ro mensahi parti sa pagtuo kay Kristo nga among ginawali.

Mga Hebreo 1:3

Ro pagkadaeayawon ag kadungganan it Dyos hay makita man sa anang Unga. Kon mauno gid ro kinaiya it Dyos hay makaruyon gid ro anang Unga. Imaw ro nagapapadayon sa tama nga kaayusan ku tanan-tanan, ag nagakontrol ku tanan paagi sa gahom ku anang hambae. Paagi sa anang kamatayon hay ginlimpyuhan nana kita sa atong mga saea. Pagkahimo nana kato hay nagbalik imaw sa eangit ag nagpungko sa pinakadungganon nga pwesto sa tuo it eabing dungganon nga Dyos.