Lucas 1:77 - Inkeanon

⁷⁷ Pasayron mo ro mga katawhan nga maeuwas sanda kon mapatawad ro andang mga saea.

Lucas 1:77 Iomraidhean Croise

Lucas 3:3

Ngani naglibot si Juan sa tanan nga lugar sa libot it suba it Jordan ag nagwali sa mga tawo nga dapat sandang maghinuesoe ag magtalikod sa andang mga saea, ag magpabawtismo agod patawaron sanda it Dyos.

Lucas 3:6

Ag hikita it tanan nga mga tawo ro kaeuwasan nga ginpahaom it Dyos.’ ”

Juan 1:29

Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 1:34

Nakita ko gid ron ngani ginahambae ko kinyo nga imaw matuod ro Unga it Dyos.”

Mga Binuhatan 10:43

Imaw ro ginapatungdan ku ginsueat ku tanan nga mga propeta ag naghambae sanda nga paagi sa anang himuon hay patawaron sa andang mga saea ro tanan nga magatuo kana.”

Mga Binuhatan 19:4

Nagsabat si Pablo, “Ginturo ni Juan nga dapat nga maghinuesoe ro mga tawo ag magtalikod sa andang mga saea, ag pagkatapos hay magpabawtismo bilang pagpakita nga gin-obra nanda ron. Pero ginturo man nana nga dapat sanda magtuo sa maabot nga masunod kana, ag rato ngani hay si Jesus.”

Mga Binuhatan 2:38

Nagsabat si Pedro, “Ro kada isaea kinyo hay dapat magtalikod sa saea ag magpabawtismo nga gapakilaea nga nagapasakop eon kamo kay Jesu-Kristo nga inyong Ginuo. Dikaron patawaron ro inyong mga saea ag mabaton ninyo ro regalo it Dyos, nga imaw ro Espirito Santo.

Mga Binuhatan 3:19

Ngani maghinuesoe kamo ag magtalikod sa inyong mga saea ag magpanumbalik sa Dyos agod patawaron nana kamo.

Mga Binuhatan 5:31

Rayang si Jesus hay ginpapungko it Dyos sa anang tuo bilang pinakapinuno ag Maneueuwas agod taw-an nana kita nga mga inapo ni Israel it kahigayunan nga makahinuesoe ag talikdan ro atong mga saea agod mapatawad kita.

Mga TagaRoma 3:25

Imaw ro ginhaead it Dyos bilang sakripisyo agod paagi sa anang kamatayon hay mapatawad kita sa atong mga saea kon magtuo kita kana. Ginhaead it Dyos si Jesus bilang sakripisyo agod ipakita nga matarong 't-a imaw bisan matsa ginpataliwan nana ro mga saea ku mga tawo kato anay.

Mga TagaEfeso 1:7

Tungod paagi sa dugo ni Jesu-Kristo hay gintubos kita sa pina it saea nga ro buot hambaeon hay ginpatawad eon nana ro atong mga pageapas. Ginpatawad nana kita dahil sa anang sobrang kabuot