Lucas 1:76 - Inkeanon

⁷⁶ Ngani ikaw, toto, hay pagakilaeahon nga propeta it Dyos nga Eabing Mataas. Magauna ka sa Ginuo agod pahaumon mo ro anang aeagyan.

Lucas 1:76 Iomraidhean Croise

Mateo 14:5

Gusto kunta ni Herodes nga ipapatay si Juan pero nahadlok man imaw sa mga tawo ay nagapati sanda nga propeta si Juan.

Mateo 21:26

Pero kon hambaeon man naton nga halin eang sa tawo ro otoridad ni Juan, delikado man kita, ay basi alinon man kita it mga tawo bangod gapati gid sanda nga propeta si Juan.”

Mateo 3:11

Ginabawtismuhan ko kamo it tubi agod ipakita nga naghinuesoe ag nagtalikod eon kamo sa inyong mga saea. Pero may maabot masunod kakon nga mas eabaw pa kakon, ag bisan gauba eon lang ku anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Mateo 3:3

Si Juan ro ginapatungdan ni Propeta Isaias sa ana kato nga ginhambae nga, “May tawo idto sa *disyerto nga nagasinggit, ‘Pahauma ro aeagyan it Ginuo. Patadlunga ro anang daean.’ ”

Marcos 11:32

Pero kon hambaeon man naton nga halin eang sa tawo ro otoridad ni Juan, delikado.” Ruyon sinanda ay nahadlok sanda sa mga tawo, ay gapati ro tanan nga tawo nga propeta gid si Juan.

Lucas 1:32

Mangin dungganon imaw ag pagakilaeahon nga unga it Dyos nga Eabing Mataas. Obrahon imaw nga hari it Ginuong Dyos pareho ku anang lolo anay nga si Haring David.

Lucas 1:35

Nagsabat ro anghel, “Ro Espirito Santo hay magakunsad kimo ag pagalikupan ka ku gahom it Dyos nga Eabing Mataas ngani ro imong mangin unga hay balaan ag pagakilaeahon nga Unga it Dyos.

Lucas 6:35

Ayaw kamo magtuead karon kundi higugmaa ninyo ro inyong kaaway ag himui sanda it mayad. Kon magpahueam ka, ayaw magpaabot nga bayaran ka. Kon makara ro inyong ginaobra hay mabahoe gid ro inyong premyo, ag ginapakita ninyo nga mga unga kamo it Dyos nga Eabing Mataas tungod mabuot ro Dyos bisan sa mga owa it kabaeaslan ag sa mga maeain.

Juan 1:23

Nagsabat si Juan, “Ako ro katumanan ku ginsueat ni Propeta Isaias nga may tawo nga magasinggit idto sa *disyerto, ‘Patadlunga ro aeagyan it Ginuo.’ ”

Juan 1:27

Imaw ro maabot masunod kakon nga mas eabaw pa kakon nga bisan gahubad eon lang ku higot it anang sandalyas hay bukon ako it takos.”

Juan 3:28

Kamo mismo hay saksi nga naghambae ako nga bukon it ako ro Maneueuwas nga ginpromisa it Dyos kundi ako ro ginpauna kana iya it Dyos.

Mga Binuhatan 16:17

Ginsinunod nana kami nanday Pablo ag nagsininggit imaw, “Ro mga tawo ngara hay mga ulipon it Dyos nga Eabing Mataas! Ginawali nanda kon paalin kamo maeuwas.”