Lucas 1:75 - Inkeanon

⁷⁵ ag makapangabuhi kita it balaan ag matarong sa anang panueok myentras may ginhawa kita.

Lucas 1:75 Iomraidhean Croise

Mateo 1:21

Magaunga imaw it eaki ag pangaeanan mo ro eapsag it Jesus ay imaw ro magaeuwas ku anang mga katawhan sa pina ku andang mga saea.”

Lucas 1:74

euwason nana kita sa atong mga kaaway, agod makaserbi kita kana nga owa it ginakahadlukan,

Mga TagaEfeso 1:4

Bisan bago pa gintuga ro kalibutan hay ginplano eon it Dyos ro atong maeueot nga kaangtanan kay Kristo ag ginpili eon eagi nana kita nga mangin balaan ag owa eon it saea sa anang panueok.

Mga TagaEfeso 2:10

Ro Dyos ro nagbag-o ku atong kabuhi paagi sa atong maeueot nga kaangtanan kay Kristo Jesus. Ginbag-o nana kita agod himuon ta ro mga mayad nga buhat nga ginplano it Dyos kato pa nga ipahimo katon.

Mga TagaEfeso 4:24

Ngani magkabuhi kamo suno sa bag-o nga kabuhi nga gintao it Dyos, agod ro inyong kabuhi hay mangin pareho ku ana nga matarong ag balaan.

1 Tesalonica 4:1

Mga igmanghod, gintud-an eon namon kamo kato kon mauno ro pagkabuhi nga makapalipay sa Dyos, ag hasta makaron hay ginatuman ra ninyo. Makaron, ginapangabay ag ginahinyo namon kinyo paagi sa otoridad nga gintugyan kamon ni Ginuong Jesus nga magkabuhi kamo it mas makapalipay pa gid sa Dyos.

1 Tesalonica 4:7

Owa kita pagtawga it Dyos agod nga magpangabuhi sa kalaswaan kundi agod nga magpakabalaan.

2 Tesalonica 2:13

Mga igmanghod nga palangga it Ginuo, dapat gid-a nga magpasaeamat kami permi sa Dyos tungod kinyo. Nagapasaeamat kami tungod kato pa eagi hay ginpili eo't-a kamo it Dyos agod anang euwason, paagi sa pagpaeain kinyo it Espirito Santo nga mangin mga balaan kamo nga katawhan it Dyos, ag paagi sa inyong pagtuo sa matuod nga mensahi.

2 Timoteo 1:9

Ro Dyos ro nageuwas ag nagtawag katon agod mangin anang mga pinaeain nga katawhan nga balaan. Owa ron nana paghimua tungod sa atong hinimuan kundi tungod kato pa't-a, bago gintuga ro kalibutan hay ginplano eon it Dyos nga ipakita katon ro anang sobrang kabuot paagi kay Kristo Jesus.