Lucas 1:6 - Inkeanon

⁶ Sandang mag-asawa hay parehas nga matarong sa mata it Ginuong Dyos. Nagkabuhi sanda nga nagasunod sa tanan nga anang kasuguan ag sueundanan,

Lucas 1:6 Iomraidhean Croise

Lucas 1:7

pero owa sanda it unga ay baog si Elisabet ag magueang eon sanda nga daywa.

Lucas 16:15

Pero ginhambae sanda ni Jesus, “Kamo't-a ro akong ginapatungdan sa akon ngatong istorya nga nagapapati sa mga tawo nga tama gid kamo pero sayod it Dyos ro inyong kabubut-on. Ro mga ginadayaw abi it tawo hay imaw man ron ro ginakangil-aran it Dyos.”

Lucas 2:25

May isaeang ka tagaJerusalem nga si Simeon ro ngaean. Matarong ra imaw nga tawo ag matinumanon sa Dyos. Nagahawat-hawat gid ra ginhawa nga euwason it Dyos ro anang mga kadugo nga mga inapo ni Israel ag ginagamhan ra imaw permi it Espirito Santo.

Mga Binuhatan 2:25

Ag isaea pa hay natuman kay Jesus ro ginhambae kato anay ni Haring David nga makaraya, ‘Hasayran ko nga kaibahan ko permi ro Ginuo, ag una imaw permi sa akon nga euyo, agod buligan ako nga indi nirbyoson.

Mga Binuhatan 23:1

Gintueok ni Pablo it diritso ro *Sanedrin ag ginhambae, “Mga igmanghod, halin sa akong pagkatawo hasta makaron hay nagkabuhi ako nga malimpyo ro akong konsensya sa mata it Dyos.”

Mga Binuhatan 24:16

Mawron ngani nga nagatinguha gid ako nga indi magkasaea sa Dyos ag sa tawo, agod limpyo permi ro akong konsensya.

Mga Binuhatan 8:21

Owa ka hatapoe sa raya nga bueuhaton ay ro imong kabubut-on hay maeain sa mata it Dyos!

Mga TagaRoma 8:4

Ginhimo nana ron agod bilangon kita nga hatuman eon naton it husto ro Kasuguan it Dyos. Ag owa eon kita nagapinagusto sa atong makasasaea nga kinaiya kundi ginagiyahan ag ginagamhan eon kita it Espirito Santo.

1 Corinto 11:2

Ginadayaw ko kamo ay inyo ako nga ginadumdum permi ag inyo nga ginasunod ro akong mga sueundanan nga ginbilin ko kinyo.

2 Corinto 1:12

Ikapabugae namon nga limpyo ro among konsensya parti sa among pagginawi iya sa kalibutan ag eabi gid inha kinyo. Sa among pagturo kinyo, owa kami nagsalig sa among tawhanon nga kaaeam kundi sa bulig it Dyos ag paagi sa anang bulig ngara hay sinsiro kami ag owa it motibo nga maeain.

Mga TagaFilipos 2:15

agod mangin putli kamo nga mga unga it Dyos nga puro eang mayad ro ginaobra, ag owa gid it ikasaway kinyo. Kon makaruyon ro inyong pagkabuhi sa atubang ku mga bukon it mga tumueuo sa inyong libot, nga mga balingahag it paino-ino ag mga ginpataeang hay pareho kamo it mga nagatao it kahayag nga idto sa kaeangitan, ay nagatao kamo it kahayag sa paino-ino ku mga una pa sa kadueom.

Mga TagaColosas 1:22

Pero ginpapanumbalik eon kamo it Dyos kana paagi sa kamatayon ku anang unga sa krus agod makaatubang kamo kana nga balaan, putli ag owa it ikasaway.

1 Tesalonica 3:13

Kon makaruyon ro inyong paghigugma hay mangin pursigido pa gid kamo nga magpangabuhi it matarong bilang mga katawhan it Dyos nga anang ginpaeain. Ag makaatubang kamo nga owa it kasawayan sa atong Dyos nga Ama sa pagbalik ku atong Ginuo nga si Jesus, kaibahan ku tanan nanang mga balaan nga katawhan.

2 Pedro 3:14

Ngani, mga hinigugma, samtang nagahueat kita nga matabo tanan ra hay magmahugod gid kita nga magpangabuhi it limpyo gid ag owa it ikasaway sa panueok it Dyos. Kon makaruyon hay may aton eon nga katawhayan sa atong tagipusuon kon mag-atubang eon kita kana.

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.

1 Juan 2:3

Dapat nga tumanon naton ro mga sugo it Dyos dahil daya ro pamatuod nga nakakilaea gid kita kana, ag maeapit gid kita kana.

1 Juan 3:7

Akon nga mga unga sa pagtuo, ayaw kamo magpadaea-daea. Ro nagahimo it mayad hay matarong pareho kay Kristo.