Lucas 1:51 - Inkeanon

⁵¹ Ginpakita nana ro anang pagkagamhanan paagi sa anang mga makangawa-ngawang ginhimo. Ginpatapeaag nana ro mga palabi-labihon agod masamad ro andang ginaplano.

Lucas 1:51 Iomraidhean Croise

Mga TagaRoma 1:21

Bisan sayod sanda nga may Dyos pero owa nanda pagkilan-a ro anang pagkadaeayawon ag bukon man sanda it mapinasaeamaton kana. Ngani nangin owa it pueos ro andang ginapaino-ino ag nadueman ro andang isip nga owa gid sanda kaeubot ku kamatuuran parti kana.

2 Corinto 10:5

Paagi man sa among armas ngaron hay ginasumpo namon ro andang bugae nga nagabaeabag kanda sa matuod nga pagkilaea sa Dyos. Ag ro armas ngaron hay makasakop sa tanan nandang ginapaino-ino agod magmangin matinumanon sanda kay Kristo.

1 Pedro 5:5

Kamo ma't-a nga mga pamatan-on nga mga eaki, ro akon nga bilin kinyo hay magpasakop gid kamo sa mga manogdumaea inha kinyo. Ag kamo tanan inha hay dapat nga mapainubuson sa kada isaea ay nasueat sa Kasueatan nga, “Ro mga palabi-labihon hay ginakuntra it Dyos pero ro mga mapainubuson hay anang ginapakamaayo.”

Pahayag 18:8

Bangod duyon ro anang ginapaino-ino, ngani sa sueod it sang adlaw hay maabot kana it gulpi ag dueungan ro mga kaeaeat-an, makamaeatay nga baeatian, grabi nga kasubo, ag gutom. Ag pagasunugon hasta matugbang ro maeain nga syudad nga ginasimbolo ku bayi ngato. Ruyon ro matabo kana dahil ro Ginuong Dyos nga makagagahom ro gapina kana.”